Psalm 68:6 - De Beebaa Dabu

⁶ De Maadua e gaavange gi tangada hagaaloha dahi huaabodu, ma de hagassao mai dangada i de hale pono ga hagailaage gilaadeu; gai de gau makaga olaadeu lodo e nnoho naa i de henua e deai vai iai.

Psalm 68:6 Referans Kwoze

Psalm 113:9

Ia e gaavange naa gi de hine dee hua dahi huaabodu, gai ia gi se dinana e malangilangi i ana dama. Duuhia Tagi Maolunga!

Psalm 69:33

I hiidinga Tagi Maolunga e hagallongo talodalo a tangada e duasala, gai ia e dee ngalo ono dangada e nnoho i lo te hale pono.

Psalm 107:14

Ia ne hagassao mai gilaadeu i lo te goohunga ma de gohu boo dangodango, ma de duuduu olaadeu mee e noonooa ai laa.

Psalm 107:10

Hanu ne nnoho i lo te goohunga ma de gohu boo dangodango, gilaadeu i lo te hale pono e duasala i denga daula baalanga,

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Psalm 146:7

Ia e hagamodu muna o olaadeu e vaivai haia i de heohi; ma de gaavange gai a dangada e hiikai. Tagi Maolunga e hagassao mai gilaadeu i lo te hale pono;

Galatians 4:27

Go hiidinga gu sisi e hai ange, “De hine dee hua, koe gi malangilangi; de hine tigi langona iho de mmae i de haanau, koe gi oo mage malangilangi; go hiidinga de hine gu dilia e soa ange naa ana dama i dama a de hine e dahi laa ono bodu.”

1 Samuel 2:5

Gilaadeu nogo boobosu gu hai hegau e hai ai alaadeu gai, aagai gilaadeu e hiikai gu dee hiikai. De hine dee hua gu haanau e dogohidu dama daane, aagai de hine e soa ana dama gu noho sogosogo.

Acts 16:26

De masavaa laa donu huu gai gu ngalungalue de henua, gai de hale pono laa alodahi gu ngalungalue; ono abaaba alodahi gu maahuge, gai denga daula baalanga e noonooa ai laa dangada gu maatala.

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

Malachi 1:3

aagai au ne kino i Esau. Au ne hai dono mommee iai mounga gi se ngadi mommee, ma de hai dono boolonga gi nnoho ai denga jackal lodo henua.”

Hosea 2:3

Au kana hagaui ono malo gi gilisau ai ia bei de laangi oona ne haanau ai laa, ma de hai ia gi bei dagodo o de vao, ma de mommee e deai vai iai, aama de daa ia gi magau i dono hieunu.

Deuteronomy 10:18

Gai ia e hai hegau i de hagamodu heohi ange gi denga gauligi e deai olaadeu damana, ma haahine gu maakau olaadeu bodu, ma de aloha ange gi de gau henua gee e nnoho i oodou magavaa, aama de gaavange alaadeu gai ma olaadeu malo.

Psalm 10:14

Aagai koe, de Maadua, e gidee de hai ngadaa ma de lili o tangada; koe gi suuia ange mee nei i doo lima. Go koe de tali hagalodolodo a tangada hagaaloha, go koe e balea ange denga gauligi gu deai olaadeu damana.

Proverbs 23:11

go hiidinga delaadeu Ia Hagaola e mmahi, ia e bale ange naa donu gilaadeu e hai baasi adu ai gi de goe.