Psalm 68:13 - De Beebaa Dabu

¹³ gai ga nnoho naa donu goodou i de mommee iai buibui o denga ssiibi — gai denga bakau o de manu kono e haoli i selevaa, ono hulu manu ni goolo malamalama.”

Psalm 68:13 Referans Kwoze

Psalm 105:37

Gai ia ne hagassao mai de gau Israel ma alaadeu selevaa ma goolo, gai teai donu se gilaadeu ne magi.

Genesis 49:14

Issachar e bei dahi donkey mmahi, e dogoduli laa i magavaa buibui o denga ssiibi.

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.

Luke 15:22

Gai tamana ga hai ange gi ono dangada hai hegau, ‘Goodou hagamoolau gaamai de malo danuaa hakahu ina ange ai ia. Gai ulumagina ange de buulei gi dono lima aama mee vae gi luoono vae.

Luke 15:16

Gai tama daane nei ne lodo mmao e gai gai a denga biigi, gai e deai hogi se dangada e gaavange gi de ia dahi mee e gai ia.

Psalm 149:4

Go hiidinga Tagi Maolunga e malangilangi i ono dangada; ia e hagamahamaha gilaadeu e lodo maolalo i de hagaola.

Psalm 81:6

⌊De Maadua ne hagadaba,⌋ “Au ne aau de mee daemaha i honga dono eu; ma de kave gee de gede daemaha i lodo olaadeu lima.

Psalm 74:19

Aude dugua ange de mouli o dau manu kono gi denga manu aada; aude ngalo de hagaduasala ina o oo dangada ga hano ai.

Judges 5:16

Gu aha gu nnoho ai goodou i magavaa o denga buibui ssiibi, e hagallongo ai de koo o denga ssiibi? De vaaenga o de aamuli o Reuben tee maua i de hagasaele delaadeu mee e hai.

Exodus 1:14

ma de hai gilaadeu gi kona iho i de hilo denga bela pigi ga hai ai denga duudangaa hadu, aama de hagahai hegau gilaadeu i lodo veelenga; de gau Egypt ne hai gi kona hegau a de gau Israel e hai.

1 Corinthians 12:2

Goodou e iloo bolo doodou masavaa ni Gentile ai, gai goodou ne hagasengalia i denga diinonga e dee maua laa i de pasa.

Numbers 31:27

ga vvae lua, dahi baasi nii denga daane ne hulo gi de hebagi, gai de baasi ange laa nii dangada alodahi o Israel ange laa.

Joshua 10:16

Gai denga hodooligi e dogolima laa ne saavini ga mmuni i lo te haonga i Makkedah.

Judges 5:19

Denga hodooligi ne loomai, gilaadeu ne hebagi; denga hodooligi o Canaan ne hebagi, i Taanak, i gaogao vai o Megiddo; aagai teai alaadeu selevaa ne mau.

2 Kings 7:16

Gai dangada ga hulo ga hagabudu denga goloa i de mommee nnoho gaainga o de gau Syria. Gai dahi hagabaaunga pelaoaa lligi gu dahi donu huu shekel e hagao ai, gai e lua hagabaaunga barley gu dahi donu huu shekel e hagao ai, bei de hai a Tagi Maolunga gu tala ai laa.

Isaiah 33:23

Denga uga o saiolo gu daudau age, de bou e dee hagamakaga, gai ssaiolo tigi hagaduu e doha. Gai denga goloa lagolago ne maua i de hebagi e duha naa; tangada balagelage e kave naa hogi goloa aana ne gaiaa.