Psalm 67:1 - De Beebaa Dabu

¹ De Maadua gi abodonu mai ma de hagamanuuia gidaadeu aama de hagamaalama gidaadeu i de maalama o luoono mada, Selah

Psalm 67:1 Referans Kwoze

Psalm 4:6

E soa dangada e hagataba, “Goai e haia mai tanuaa gi gimaadeu? Tagi Maolunga, haia de maalama o luoo mada gi hagamaalama ina gimaadeu!”

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Psalm 4:1

Dogu Maadua heohi, basa mai gi de au, i de masavaa aagu e hagahi adu ai goe! Koe gi hagamaamaane ina ogu lodo i dogu duasala. Degi mai gi de au mage hagalaangona dagu dalodalo.

Psalm 119:135

Abodonu ange gi doo dangada hai hegau, gai agoagona mai au i au muna gu hagasauaa.

Psalm 31:16

Koe gi malangilangi i de au doo dangada hai hegau; hagaola ina mai au i doo lodo aloha e deai laa se helui.

Psalm 80:19

Tagi Maolunga, de Maadua o denga hagabuulinga hebagi, ahe ange hagadanuaa ina gimaadeu! Koe gi abodonu mai gi gimaadeu, gi mouli ai gimaadeu!

Psalm 80:7

De Maadua o denga hagabuulinga hebagi, ahe ange hagadanuaa ina gimaadeu; koe gi abodonu mai gi gimaadeu, gi mouli ai gimaadeu!

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

2 Corinthians 13:14

De abodonu o Iesu Klisdo Tagi Maolunga, ma de aloha o de Maadua, aama de nnoho hagabuni mai i daho de Hagasaalunga Dabu gi dagodo i oodou daha alodahi.

Psalm 28:9

Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.

Deuteronomy 21:8

Tagi Maolunga, degi mai gi gimaadeu oo dangada go de gau Israel aau ne hagaola laa, gai koe gi dee hagabuuia mai ai ssala o dodo nei gi gimaadeu.” Gai gu degi ange gi gilaadeu i hiidinga dodo o tangada magau nei.

Psalm 6:1

Tagi Maolunga, koe gi dee hagaseegina loo au i doo lili, gai gi dee haelea mai au i doo bole.

Psalm 76:1

De henua o Judah e iloo de Maadua, dono ingoo e maolunga i Israel.