Psalm 66:2 - De Beebaa Dabu

² Daahili mage hagamahamaha ina dono ingoo; gai haia gi mahamaha dono tuhi!

Psalm 66:2 Referans Kwoze

Revelation 5:13

Gai au ne langona mee alodahi i de langi ma henua i lalo, ma lalo de henua ma honga tai aama mee alodahi i mommee laa, e daahili ma e hagataba, “Gaavange gi de Maadua e noho laa i honga de nohoanga aama Ssiibi Gauligi de tuhi ma de hagadubu, ma de mahamaha aama ssauaa, ga hano ai e dee ngado mai.”

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 42:12

Gilaadeu gi hagamahamaha ina Tagi Maolunga, ma de tala dono tuhi i mommee i tagudai.

Psalm 107:22

Gilaadeu gi haia denga sigidaumaha o de hagadegi, ma de tala ana mee gu hai i denga daahili hagamalangilangi!

Nehemiah 9:5

Gai denga daane de aamuli o Levi, go Jeshua, ma Kadmiel, ma Bani, ma Hashabneiah, ma Sherebiah, ma Hodiah, ma Shebaniah, ma Pethahiah, ne hai ange, “Goodou tuu age duuhia Tagi Maolunga doodou Maadua, go de ia e deai sono daamada aabe se hagaodi! Alodahi gi duuhia doo ingoo mahamaha, go de ingoo e maolunga ange i de hagadegi aama tuhi alodahi.

Psalm 107:15

Gilaadeu gi hagadegi ina Tagi Maolunga i hiidinga dono abodonu, ma ana hegau hagalele mouli ange gi dangada.

Psalm 106:2

Goai e maua i de tala gi odi hegau sauaa a Tagi Maolunga, gai goai e maua i de hai gi dohu danuaa dono tuhi?

Psalm 79:9

Balea mai gimaadeu, de Maadua demaadeu Ia Hagaola, gi hagamahamaha ina ai doo ingoo; hagaola ina gimaadeu ma de degi mai gi omaadeu haisala, i hiidinga doo ingoo.

Psalm 72:18

Hagadegi ina Tagi Maolunga de Maadua, de Maadua o Israel, go ia donu huu e haia hegau hagalele mouli.

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Psalm 68:33

go de ia e lele laa i lo te langi i lunga mai madagidagi loo; ma de hai gi langona dono leo mmahi.