Psalm 66:15 - De Beebaa Dabu

¹⁵ Au e hai naa denga sigidaumaha dudu i denga manu pedi, ma de hai gi buu age de useahi o ssigidaumaha o denga ssiibi daane; gai au e hai naa sigidaumaha i denga kaau daane aama denga guudi. Selah

Psalm 66:15 Referans Kwoze

Psalm 51:19

gai gi malangilangi ai goe i denga sigidaumaha heohi, ma denga sigidaumaha dudu, aama sigidaumaha e dudu alodahi, gai ssigidaumaha o denga kaau e hai naa i honga dau mommee o ssigidaumaha.

Jeremiah 41:5

gai e dinovalu daane ne loomai i Shechem, ma Shiloh, aama Samaria; gai gu lava i de dahi olaadeu gumigumi, ma de saesae olaadeu malo, aama de duuduu olaadeu angaanga. Gai gilaadeu ne gaamai hanu grain ma mee maanongi e hai ai sigidaumaha i de hale o Tagi Maolunga.

2 Samuel 6:13

Gai de masavaa huu o denga daane e sabaia laa de ngavesi a Tagi Maolunga ne lagalaga ai olaadeu vae i e ono hanonga, gai David ga hai ssigidaumaha i dahi kaau daane ma dahi kaau gauligi gu haangai ma gu bedi.

Numbers 6:14

ma dahi mee ngadi gaavange ange gi Tagi Maolunga: e dahi ssiibi daane gu dahi laa ono ngadau, gai e deai mee baubau i dono angaanga, e hai ai ssigidaumaha dudu, ma dahi ssiibi hahine e deai mee baubau i dono angaanga, gu dahi laa ono ngadau, e hai ai ssigidaumaha o haisala, ma dahi ssiibi daane, e deai mee baubau i dono angaanga, e hai ai ssigidaumaha hagadanuaa magavaa,

Numbers 7:45

ma e dahi kaau daane gauligi, ma e dahi ssiibi daane, ma e dahi ssiibi daane gu dahi laa ono ngadau, e hai ai ssigidaumaha dudu;

Ezra 8:35

Gai dangada ne aahe mai laa i denga henua gee, ne hai hanu sigidaumaha dudu, ange gi de Maadua o Israel: e madaangahulu ma lua kaau daane i hiidinga Israel alodahi, ma e massiva ma ono ssiibi daane, aama e madahidu ma hidu ssiibi gauligi. Gai ssigidaumaha o haisala, e madaangahulu ma lua guudi daane. Mee nei alodahi ne hai ai ssigidaumaha dudu ange gi Tagi Maolunga.