Psalm 64:8 - De Beebaa Dabu

⁸ Ia e hai naa alaadeu muna donu gi hai baasi ange gi gilaadeu, gai ia ga oha ai gilaadeu; dangada alodahi e gidee gilaadeu e geugeu naa olaadeu biho.

Psalm 64:8 Referans Kwoze

Proverbs 18:7

Muna a tangada lodo senga e hagabaubau donu huu ia, gai ana muna e nnoa donu huu ia.

Proverbs 12:13

Tangada baubau e hagahaisala donu huu i ana muna e tala, aagai tangada heohi e ola mai naa i de hai ngadaa.

Psalm 140:9

Haia hegau baubau a dangada e hai baasi mai gi de au gi aahe ange donu huu gi gilaadeu.

Luke 19:22

Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo?

Matthew 21:41

Gilaadeu ne hai ange gi de ia, “Ia e hagaduasala naa de gau baubau laa ga daa gilaadeu gu maakau, gai ga gaavange de veelenga laa gi hanu dangada gee, gai gilaadeu ga gaavange ai gi de ia dana diba i denga huamanu i de masavaa e hagihagi ai.”

Nahum 3:7

Dangada alodahi e gidee goe, e kino naa i oo dagodo ma de hagataba, ‘Nineveh gu maoha — goai naa e dangi i ono hiidinga?’ Go hee naa aagu e gide ai dahi dangada gi hagaaneane ina goe?”

Jeremiah 48:27

E aha, koe tee hakadanga laa i Israel? E aha, ia ne gidee mai laa i magavaa o de gau gaiaa, gai koe ga hagammae manava ai ia i de masavaa aau e basa ai i de ia?

Jeremiah 18:16

Gai delaadeu henua e hai naa ga se mee hagamaatagu, gai se mommee e hagavogivogi ai dangada i de lele olaadeu mouli ga hano ai; gai dangada alodahi e seesee laa kilaa e geugeu naa olaadeu biho i delaadeu llele olaadeu mouli i ono dagodo.

Psalm 31:11

Ogu hagadaumee gu hagangadi mee au, dangada e paa mai gi de au e kino i de au; dangada e iloo au gu maatagu i de au, gai gilaadeu e hedae mai gi de au i honga de haiava e saavini ma e hulo gee i de au.

Psalm 22:7

Gilaadeu alodahi e gidee au e doo mee i de au; gilaadeu e hagasomosomo mai olaadeu alelo gi de au, ma de geugeu olaadeu biho:

De Beebaa go Job 15:6

Au muna e hagabaubau donu huu goe, e dee go agu muna; doo ngudu e hai baasi adu donu gi de goe.

Revelation 18:10

Gai gilaadeu e hulo naa ga tuu i de mommee mmao i delaadeu maatagu i de hagaduasala o de aduhale laa, ga hagataba, “Gu vakaa loo! Gu vakaa loo! De aduhale laumalie, go Babylon, de aduhale mmahi! Doo hagaduasala ne duu adu gi de goe i e dahi donu huu aoaa!”

Revelation 18:4

Gai au ne langona ange hogi dahi leo mai i de langi, e hagadaba, “Ogu dangada, goodou ssao hulo gee mai i ono daha, gi dee gaavee ai goodou ono haisala, gai gi dee tae mai ai denga mee hagamaakau gi goodou;

Psalm 59:12

I hiidinga haisala o olaadeu ngudu aama alaadeu muna gu tala, gai olaadeu hagamaolunga gi aahe ange donu huu gi gilaadeu. I hiidinga alaadeu muna hagamalaia aama alaadeu muna hhadu ne tala,

Psalm 52:6

Gai gilaadeu e heohi e maatagu naa i delaadeu gidee mee nei, gilaadeu e kada naa i de ia, ga hagataba,

Psalm 9:3

Ogu hagadaumee gu saavini ma gu hulo; gilaadeu gu baakuu ma gu maakau i mada luoo mada.

Numbers 16:34

Gai de gau Israel alodahi i olaadeu gaogao ga saavini ga hulo gee, i de masavaa alaadeu ne langona ai delaadeu oo, gilaadeu ne hagataba, “De henua kana holo hogi gidaadeu!”

Psalm 144:6

Hagalabalaba ina dau uila ma gi hagamavaevae saele ina ai denga hagadaumee; dilia dao o dau mee hholu gi ssenga ange ai gilaadeu.