Psalm 63:5 - De Beebaa Dabu

⁵ Au e bosu naa i de gai mee moomuna; au e daahili naa ga hagadegi goe.

Psalm 63:5 Referans Kwoze

Isaiah 25:6

Gai Tagi o denga hagabuulinga hebagi e hagadabena naa i honga de mounga nei dahi daonga i gai mammami ange gi denga huaadangada alodahi, se daonga e hai i uvaini gu doange i ngadau lagolago — ma giidagi moomuna ma uvaini danuaa hugadoo.

Psalm 43:4

Gai au e hano gi de mommee o ssigidaumaha a de Maadua, ma daho dogu Maadua i de malangilangi laumalie. Au e tuhi goe i de tale de lyre, de Maadua, go dogu Maadua.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Psalm 135:3

Duuhia Tagi Maolunga, i hiidinga Tagi Maolunga e danuaa; duuhia dono ingoo i taahili, i hiidinga se mee hagamalangilangi.

Psalm 71:23

Au e oo naa i dogu malangilangi, i de masavaa oogu e daahili ai ga tuhi goe; dogu hagasaalunga aau ne hagaola laa e tuhi hogi goe.

Psalm 65:4

E manuuia gilaadeu aau e hili ga gaamai, gi noho i lo te buibui o doo hale! Gimaadeu e duadonu naa i mee danuaa i doo hale, go doo temple dabu.

Jeremiah 31:4

De bua moe go Israel, au e hagaduu age naa goe, gai koe e duu age naa donu! Gai koe e hagadangidangi naa i dau tambourine ma de anu ai i doo malangilangi.

Song of Songs 1:4

Gaavee au madali goe; gidaau ga hagamoolau e hulo! De hodooligi gu kave au gi lodo ono aabi. Gimaadeu e malangilangi naa ma de llodo danuaa i de goe, gimaadeu e tuhi naa doo aloha; doo aloha e danuaa ange i denga uvaini. E heohi donu delaadeu aaloha i de goe!

Psalm 104:34

Gai agu dalodalo gi hagamalangilangi ina ia; gai au e malangilangi i Tagi Maolunga.

Psalm 96:6

De mahamaha ma ssauaa i ono mada i mua; de mmahi ma de mahamaha e hhao dono mommee dabu.

Psalm 104:33

Au e daahili ange gi Tagi Maolunga i taulooloa dogu mouli; au e tuhi dogu Maadua i taahili i dogu masavaa e mouli ai.

Psalm 134:2

Haalo ina oodou lima i de mommee dabu, ga hagadegi ai Tagi Maolunga.