Psalm 60:10 - De Beebaa Dabu

¹⁰ De Maadua, e dee go koe ne dilia laa gimaadeu, gai gu dee hano madali omaadeu hagabuulinga hebagi?

Psalm 60:10 Referans Kwoze

Psalm 108:11

De Maadua, e dee go koe ne dilia laa gimaadeu, gai gu dee hano madali omaadeu hagabuulinga hebagi?

Joshua 7:12

Aanei hiidinga o de gau Israel tee maua ai laa i de hai baasi ange gi olaadeu hagadaumee, gai ne saavini ga hulo gee mai i olaadeu hagadaumee, go hiidinga gilaadeu gu hagailonga ange e oha. Gai au gu dee ahe ange e noho i oodou daha noo goodou e dee oha mee gu hagamodu e oha, ga aau gee mai i oodou daha.

Psalm 60:1

De Maadua, koe gu tili gimaadeu, ma de oha omaadeu buibui; koe ne lili i gimaadeu; ahe ange hagaahea mai gimaadeu!

Deuteronomy 20:4

i hiidinga Tagi Maolunga doodou Maadua e hano madali goodou e hebagi ange gi oodou hagadaumee ma de hai gi kii goodou.”

Deuteronomy 1:42

Gai Tagi Maolunga ne hai mai gi de au, “Daalaa ange gi gilaadeu hai ange, ‘Goodou aude hulo gi hebagi, go hiidinga au e dee hano naa donu madali goodou. Oodou hagadaumee e hagadee kii naa goodou.’ ”

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Psalm 20:7

De tali hagalodolodo a hanu go denga hada hebagi, gai hanu go denga hoosa, aagai gimaadeu e hagamaanadu de ingoo o Tagi Maolunga, demaadeu Maadua.

Joshua 10:42

Joshua ne hagadee kii denga hodooligi laa alodahi, ga kave olaadeu henua i de masavaa laa, i e dahi donu huu hanonga, go hiidinga Tagi Maolunga de Maadua o Israel, ne hebagi i hiidinga o Israel.

2 Samuel 8:2

Gai ia ne hagadee kii hogi de gau Moab, ga hai gilaadeu gi daakodo gi hagatau i honga de gelegele i e dolu hagataaunga, gai ia ga haide gilaadeu i dahi uga. Dangada alodahi e too ange gi lalo tahi ma de lua haidenga e daa gi maakau, gai dangada e too ange gi lalo tolu haidenga e dugu gi mouli. Gai de gau Moab gu hai hegau ange gi David ma de hagao ange taagisese gi de ia.

2 Samuel 8:6

Gai ia ne dugu hanu daane hebagi i Syria o Damascus, gai de gau Syria gu hai hegau ange gi de ia, ma de hagao ange taagisese gi de ia. Gai Tagi Maolunga ne hai gi kii David i mommee alodahi oona ne hano aagena.