Psalm 59:3 - De Beebaa Dabu

³ Tilo, gilaadeu e tali au e daa gi magau; denga daane alasala e hagasaele de hai baasi mai gi de au. Tagi Maolunga, e deai donu ogu haisala aabe ni baubau.

Psalm 59:3 Referans Kwoze

Psalm 56:6

Gilaadeu e hagabuni ma e nnoho ai, gilaadeu e mmuni. Gilaadeu e mulidagi agu mee e hai; gilaadeu e llodo mmao e kave dogu mouli.

Psalm 69:4

Gilaadeu e kino i de au, gai e deai donu hiidinga, e lagolago ange i ngaangaaulu o dogu biho; ogu hagadaumee e hadu muna i de au, gai e soa gilaadeu e hagatale de daa au gi magau. Gai gilaadeu e hai au gi hagaahe ange mee aagu tee gaiaa.

1 Samuel 24:11

Dogu damana, galo mai diiloo talaa malo aagu e poo nei i dogu lima. Au ne tuu talaa malo nei mai i doo malo, aagai au tee daa goe gi magau. Gai gi iloo e goe ma de gidee bolo au e dee lodo donu e hai de baubau aabe go lodo e hai baasi adu. Au tigi haisala adu donu gi de goe, aagai koe e ssala au e daa gi magau.

Proverbs 12:6

Muna a de gau baubau e daa gilaadeu ga magau, aagai muna a dangada e hai hegau i de heohi e hagaola dangada.

John 15:25

Gai de mee nei gu bei donu muna gu sisi laa, i lodo alaadeu hainga ma e hai ange, ‘Gilaadeu ne kino i de au, gai e deai donu hiidinga.’

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Acts 23:21

Aagai koe aude haia gi bei olaadeu lodo, go hiidinga e dinohaa duumaa daane gu nnoho e daa ia gi magau. Gilaadeu gu hai dahi hagatoo donu bolo gilaadeu e dee gaimee donu, aabe e unu ga dae ai gi delaadeu daa ia gi magau. Gilaadeu gu paba donu iainei, gai e tali adu donu huu koe gi uaa ange gi delaadeu dangidangi.”

Psalm 38:12

Gilaadeu e llodo e daa au gi magau gu dugu alaadeu sele, gilaadeu e hagatau delaadeu hai e hagalagohia ai au; gilaadeu e hagatau delaadeu hai e daahanga ai dangada mai i taiao ga boo ai.

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

1 Samuel 26:18

Gai David ga hai ange, “Dogu dangada aamua, gu aha goe gu humai ai naa e doolohi au, doo dangada hai hegau? Se baubau aha aagu gu hai? Gai se sala aha aagu gu hai?

1 Samuel 24:17

Gai ia ga hai ange gi David, “Koe e danuaa ange i de au; go hiidinga koe ne hai mai tanuaa gi de au, aagai au ne hai adu de baubau gi de goe.

1 Samuel 19:1

Gai a Saul ga hai ange gi dana dama daane go Jonathan, ma ono daane hai hegau alodahi, gilaadeu gi daia David gi magau. Aagai Jonathan, tama daane a Saul, e malangilangi i David.

Psalm 140:2

go gilaadeu e hagasaelea denga hagatau dee heohi i olaadeu lodo, ma de damadaa de hebagi i masavaa alodahi.

Proverbs 24:15

Tangada baubau, aude noho gi daalia e hai baasi ange gi tangada heohi, aude vaivai haia dono mommee noho;