Psalm 59:2 - De Beebaa Dabu

² Hagaola ina mai au i gilaadeu e haia de baubau, ma de hagamouli au mai i gilaadeu e daia dangada gi maakau.

Psalm 59:2 Referans Kwoze

Psalm 139:19

De Maadua, mee naa koe gi daia gi maakau de gau baubau, gai de gau daa dangada gi hulo gee mai i ogu daha.

Psalm 26:9

Koe gi dee gaavee dogu mouli madali de gau haisala, aabe go de kave dogu mouli madali de gau daa dangada,

Psalm 55:23

Aagai koe, de Maadua, e tili iho naa de gau baubau gi lo te geelonga o de gau maakau; gai de gau daa dangada ma de daahangadia dangada e dee maua naa donu gi madohi lua olaadeu laangi e mouli ai. Aagai au e hagadonusia goe.

Psalm 27:2

De masavaa o de gau baubau e hebagi mai ai, e daa ai au gi magau, gai ogu hagadaumee ma gilaadeu e kino i de au gu odi i de baakuu ga maakau.

Psalm 7:2

gilaadeu kana oha dogu hagasaalunga bei hegau a de laiono, ma de hangahanga dogu angaanga, gai gu deai se dangada e hagaola ina mai au.

Psalm 94:16

Goai e balea mai au e hebagi ange gi de gau baubau? Goai e hidi age e balea mai au e hai baasi ange ai gi gilaadeu e haia de baubau?