Psalm 58:6 - De Beebaa Dabu

⁶ De Maadua, hadihadia niho i lodo olaadeu ngudu; Tagi Maolunga, unuunusia mai niho kangi o denga laiono!

Psalm 58:6 Referans Kwoze

Psalm 3:7

Tagi Maolunga, hidi age! Dogu Maadua, hagaola ina mai au! Koe e hagailiili galaahuu o ogu hagadaumee alodahi; gai hadihadia niho o de gau baubau.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Hosea 5:14

Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Psalm 17:12

Gilaadeu e bei dagodo o de laiono hiigai e gaina laa dahi manu, ma de laiono mmahi e noho laa ma e dagitilo i lodo mee muimui.

Psalm 10:15

Haadia de lima o tangada baubau e haia laa de baubau; gai suuia ange ana hegau baubau ga dae ai gi de odi ange.

De Beebaa go Job 29:17

Au ne hebagi ange ga hagadee kii tangada baubau, gai ne hagaola ana dangada e vaivai hai laa.

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.

Psalm 91:13

Koe e dagadagahi naa de laiono ma de labodo, ma de laiono mmahi aama de labodo hagammau gi lalo oodou vae.

Numbers 23:24

Tilo, dahi huaadangada e sula age naa bei dahi laiono hahine, gilaadeu e hiihidi age naa bei dagodo o de laiono mmahi. Ia e dee dagodo naa donu gi lalo ga dae ai gi de odi kano o de manu aana gu daa laa, ma de unu ono dodo.”

De Beebaa go Job 41:14

Goai e maua i de hhanga dono ngudu, e honu laa i denga niho hagamaatagu?

Ecclesiastes 10:11

Noo dahi labodo hagammau e kadi tangada i mua de hai gi dala, gai e deai donu haigamaiana ange gi tangada e haia gi dala.

Jeremiah 8:17

“Tilo, au e hai naa gi loadu denga labodo gadigadi gi oodou magavaa, gai ni labodo hagammae e dee maua i de hai gi tala, gai gilaadeu ga gadigadi ai naa goodou,” go Tagi Maolunga e hagadaba.