Psalm 58:10 - De Beebaa Dabu

¹⁰ Tangada heohi e malangilangi naa i dana gide de hagaduasala o de gau baubau; gai ia e hhui naa luoono vae i olaadeu dodo.

Psalm 58:10 Referans Kwoze

Psalm 68:23

gai koe ga seesee saele ai i lodo olaadeu dodo, gai denga gaaduu e samusamu naa dodo o oo hagadaumee.”

Psalm 91:8

Koe e galo ange naa donu huu ga tilo de hagaduasala o de gau baubau.

Psalm 64:10

Gilaadeu e heohi e malangilangi i Tagi Maolunga, gai gilaadeu e buibui i ono daha; dangada alodahi e heohi gi duuhia ia!

Proverbs 11:10

De masavaa naa huu o dangada heohi e hagadagadaga age ai, gai dangada i de aduhale gu malangilangi, gai de masavaa naa huu o dangada baubau e maakau ai, gai dangada gu kona de malangilangi.

Psalm 107:42

De gau heohi e malangilangi naa i delaadeu gide mee nei; gai de gau baubau gu dee mmuu naa.

Deuteronomy 32:43

Denga huaahenua, goodou duuhia dono huaadangada, go hiidinga ia e sui ange naa mee ne hai ange gi dono huaadangada hai hegau. Ia e sui ange naa hegau baubau a ono hagadaumee gai ia e degi ange gi dono henua ma dono huaahenua.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Psalm 52:6

Gai gilaadeu e heohi e maatagu naa i delaadeu gidee mee nei, gilaadeu e kada naa i de ia, ga hagataba,

De Beebaa go Job 29:6

gai dogu haiava nogo seesee ai e honu i vai uu haduhadu, gai agu lolo olive e ssali mai i lo te baba.

De Beebaa go Job 22:19

De gau heohi e malangilangi i delaadeu gidee mee nei; gai tangada tigi haisala e doo mee i gilaadeu,

Judges 5:31

Tagi Maolunga, oo hagadaumee alodahi gu odi i de maakau! Aagai oo soa alodahi gi bei dagodo de mmahi o de laa i dono masavaa e sobo age ai.” Gai de henua ne nnoho paba i e madahaa ngadau.

Revelation 14:20

Gai mee nei ne dagadagahi i de mommee kumi uvaini i tua de aduhale, gai denga dodo ne ssali mai i de mommee kumi uvaini, ga hagahonu age ga dae age gi taula i de ngudu o de hoosa, gai de looloa o de mommee iai dodo laa se 180 maele.

Proverbs 10:25

De gau baubau e gaavee gee naa i de masavaa e dau ai de madangi mmahi, aagai tangada heohi e duu ma e makaga ga hano ai.