Psalm 55:17 - De Beebaa Dabu

¹⁷ De ahiahi, taiao aama de hualaangi gai au e dangidangi i de duasala ogu lodo, gai ia ne hagallongo dogu dangi.

Psalm 55:17 Referans Kwoze

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

1 Thessalonians 5:17

gai gi dee helui doodou dalodalo,

Psalm 141:2

Dagu dalodalo gi bei mee maanongi e dudu laa i oo mada i mua, gai au gi haalo ina luoogu lima i talodalo bei ssigidaumaha i de ahiahi.

Acts 3:1

Dahi laangi gai Peter ma John ne hulo gi de temple i de daa tolu i muli de hualaangi, go de masavaa e dalodalo ai.

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Acts 10:9

De laangi i ono dua, i daha tuele, i de masavaa o denga daane laa gu paa ange ai gi de aduhale, gai Peter ne hanage gi tua de hale e dalodalo ai.

Mark 1:35

Gai Iesu ne oho age i taiao ga hano gi de mommee e deai dangada iai, ga dalodalo ai.

Daniel 6:10

Gai ga iloo huu e Daniel bolo gu hagasauaa de hainga laa, gai ia ga hano gi teege i lunga o dono hale, gi de mommee iai denga abaaba vaaligi e maahuge laa ma e huuhuli ange gi Jerusalem. Gai ia ne duuduli i kilaa ga dalodalo i e dolu hanonga i de laangi, gai ia ga hagaahe ange de abodonu i mada luu mada o de Maadua, bei dana dahulinga e hai i de laa tubua.

Psalm 119:62

Au e hidi age i lo te boo e hagadegi goe, i hiidinga au hagamodu e heohi.

Psalm 92:2

ma de tala hagadanuaa dagodo o doo abodonu i taiao, aama dagodo o doo hai hegau i de mee abodonu i de boo,

Acts 10:30

Gai Cornelius ga hai ange, “E haa laangi gu hulo, i de masavaa bee nei, gai au e noho ma e dalodalo i dogu hale i daha tolu i muli de hualaangi. Gai tilo, dahi daane ne humai ga duu i ogu mada i mua, gai ia e gahu i malo malamalama,

Mark 6:46

Gai ga lava huu i dana hai gi hulo dangada, gai ia ga hanage gi de mounga ga dalodalo ai.

Psalm 88:13

Tagi Maolunga, au e dangi adu gi de goe; au e dalodalo adu gi de goe i taiao.

Acts 10:3

Dahi laangi i daha tolu i muli de hualaangi gai ia ne hai dahi midi hagaago ange. Ia ne gidee dahi dangada de langi o de Maadua, ne humai ga hai ange gi de ia, “Cornelius!”

Daniel 6:13

Gai gilaadeu ga hai ange gi de ia, “De hodooligi, Daniel, dahi daane ne gaamai laa i Judah e hagangadi mee donu goe, ma de hainga aau gu sisi laa ma gu hagasauaa. Ia goi dalodalo donu huu i e dolu hanonga i de laangi.”

Mark 6:48

Gai ia gu gidee bolo gilaadeu gu kona iho i de gabegabe, i hiidinga de madangi gu humai i madaa moni. Gai daha tolu aoaa huu i de masavaa dagitilo i boo taiao, gai Iesu ga seesee laa honga de vai ga hano ai gi olaadeu daha. Ia ne hai e hano gi ui i ana dangada agoago,

Lamentations 3:8

Au ne dalodalo ma de dangidangi i de bale, gai ia tee hagallongo dagu dalodalo.

De Beebaa go Job 19:7

Tilo, au e dangi ma e hagadaba, ‘Au gu vaivai haia,’ gai e deai donu dangada e pasa mai. Au e dangidangi i de bale, aagai e deai donu se hagamodu heohi.

Psalm 72:12

Gai ia e hagaola naa gilaadeu e duasala e hagahia ange ia, ma de bale ange tangada hagaau aloha ma tangada e deai sono bale.

Psalm 77:2

De masavaa oogu ne hai ngadaa ai, gai au ne ssala de Ia Aamua laa; au tee dalea donu i de haalo luoogu lima i talodalo, au tee lodo gi hagaaneane ina ogu lodo.