Psalm 55:14 - De Beebaa Dabu

¹⁴ i mua gai gimaadeu e dee modu de hagabuni ga madaangudu; gai gimaadeu ne hagabuni ga seesee gi de hale o de Maadua.

Psalm 55:14 Referans Kwoze

Psalm 42:4

Aanei agu mee e manadua, i de masavaa e duasala ai ogu lodo: au nogo hano madali dangada soa, ma de dagi gilaadeu ga hulo ai gi de hale o de Maadua; gimaadeu ne hevaalogi i de malangilangi ma de daahili tuhi, madali dangada soa i taonga.

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Isaiah 2:3

gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Psalm 122:1

Au ne malangilangi i delaadeu hai mai gi de au, “Gidaadeu ga hulo gi de hale o Tagi Maolunga.”

De Beebaa go Job 19:19

Ogu soa alodahi gu kino i de au, gai dangada oogu e aloha ai gu hai baasi mai gi de au.

Psalm 41:10

Aagai koe, Tagi Maolunga, abodonu mai gi de au, hagahidi ina age au, gai au ga sui ange alaadeu mee ne hai.