Psalm 55:13 - De Beebaa Dabu

¹³ Aagai go koe, dahi dangada e bei ogu dagodo, se dangada e iloo au, gai se soa donu niiogu —

Psalm 55:13 Referans Kwoze

Micah 7:5

Aude hagadonusia tangada e baa adu gi de goe, gai gi dee tali hagalodolodo ange gi doo soa. Koe gi dagidiiloo hogi au muna e tala ange gi de hine i doo gaogao.

2 Samuel 15:12

De masavaa a Absalom e hai ai dana sigidaumaha, gai ia ne aalu ga gaamai Ahithophel, taane Giloh, gi humai i dono aduhale; ia go taane hagasaele o David. Gai dana hagatau e hai baasi ange ai gi de hodooligi gu kii ange de mmahi, gai gu soa hogi dangada ne daudali ange i Absalom.

Jeremiah 9:4

Tangada gi kana gi dagidiiloo dangada e paa ange gi de ia, aude hagadonusia dahi oo daina. Go hiidinga dangada alodahi ni dangada hadu muna, gai tangada e baa adu se dangada adi longo.

Psalm 41:9

Dogu soa danuaa hugadoo, go de ia aagu e hagadonu, ma de gaimee madali au, gu hai baasi mai gi de au.

2 Samuel 16:23

Laangi laa gai muna bale a Ahithophel gu bei donu muna e hagaago mai i daho de Maadua; gai David ma Absalom ngaadahi ne hagadubu muna bale alodahi a Ahithophel.

Luke 22:21

Tilo! De lima o tangada gu dai gaavange au e dagodo i honga teebele madali dogu lima!

John 19:13

Gai ga langona huu e Pilate muna laa, gai ia ga hagasao mai Iesu ma de noho i honga dono seaa hagamodu muna, i de mommee e hagaingoo ange go de Mommee e Hola i Hadu Malali (gai muna Aramaic go Gabbatha).

Psalm 41:10

Aagai koe, Tagi Maolunga, abodonu mai gi de au, hagahidi ina age au, gai au ga sui ange alaadeu mee ne hai.