7 “Goodou diiloo dagodo o tangada e dee haia de Maadua go dono mommee buibui makaga, aagai dana tali hagalodolodo go ono goloa lagolago, gai ia e hagadaga ange de mmahi i ana hegau baubau.”
E deai donu se dangada e dahi ono sauaa e daohi ai de madangi, gai e deai hogi se dangada e dahi ono ssauaa e daohi ai de laangi oona e magau ai. E deai se dangada e dugu gi hano i de masavaa o de hebagi, gai e bei ai hogi, de baubau e dee dugu gi hulo gilaadeu e hai hegau ai.
Gai de masavaa huu o Iesu ne sao mai ai, gai ia gu hagauda de hau duiduia ma de gahu i de malo purple. Gai Pilate ga hai ange gi gilaadeu, “Tilo, deenei taane!”
Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.
Sisera ne baguu, ia ne baguu gi lalo, ga dagodo i gaogao luoono vae ga dee ngalue ai; ia ne baguu i gaogao luoono vae, ia ne baguu gi lalo; ia ne baguu gi lalo, gu magau ga dagodo ai.