Psalm 52:1 - De Beebaa Dabu

¹ Taane mmahi, gu aha gu basa hagasoenga ai naa goe i de baubau? De lodo aloha o de Maadua e dagodo ga hano ai.

Psalm 52:1 Referans Kwoze

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Psalm 107:1

Hagaahe ange de abodonu gi Tagi Maolunga, go hiidinga ia e danuaa; dono abodonu e dee helui donu ga hano ai.

Psalm 94:4

Gilaadeu e pasa hagamaolunga, dangada alodahi e haia de baubau e pasa hagamaolunga.

Proverbs 6:14

ia e hagasaele denga hagatau baubau i ono lodo, ma de hagadee heloongoi magavaa o dangada i masavaa alodahi.

1 Samuel 21:7

Gai e dahi daane hai hegau o Saul e noho i kilaa, i de laangi laa, go hiidinga ia gu daohi gi noho i mada luu mada o Tagi Maolunga. Ia se daane Edom, gai dono ingoo go Doeg, gai go tagi o dangada e hagaloosi ina manu a Saul.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Psalm 7:14

Tilo, tangada baubau e hagahale de baubau, gai ia e hai hegau i de vaivai dagodo ma de hhadu muna.

2 Timothy 3:2

Dangada e aaloha naa donu huu i gilaadeu, ma de nnoo ange gi sseene, ma de pasa hagamaolunga, ma de llodo maolunga, ma de hai samu o dangada, ma tee hagallongo ange gi olaadeu maadua, ma tee llodo e hagaahe ange de abodonu, ma tee dabu,

Proverbs 6:18

ma de lodo e haia denga hagatau baubau, ma luu vae e moolau laa de hano e hai de baubau,

Exodus 22:9

Gai hegau dee heohi alodahi e hai ange gi denga kaau, ma donkey, ma ssiibi, ma malo, aama goloa alodahi gu dee maaleva laa, gai dahi dangada gu hagadaba, ‘De mee nei niiagu,’ gai gaamai luu dangada e hagadaumee laa gi mada i mua o de Maadua. Gai tangada a de Maadua e hagabuu ange ssala aagena, e hagao ange tangada ange laa gi lua hanonga e kii ange ai.

Romans 1:30

ni dangada hai samu, ma de kino i de Maadua, ma teai se hagadubu i olaadeu daha, ma de llodo maolunga, ma de pasa hagassoenga, ma de hagahale age mee baubau, ma tee hagallongo ange gi denga maadua,

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Jeremiah 9:8

Olaadeu alelo e bei tao hagamaakau, gai e tala ai muna hagasenga. Dahi ma dahi e basa danuaa ange gi tangada e baa ange, aagai ono lodo e hagatau dana hai e dugu ai ssele e dada ai ia.

Psalm 59:7

Tilo, gilaadeu e pasa hagamaolunga, gai alaadeu muna e kangi bei de gadilaasa; gilaadeu e hagataba, “Goai naa donu e langona adaadeu muna?”

Psalm 54:3

De gau henua gee gu hebagi mai gi de au, de gau alasala gu ssala de hai e daa ai au gi magau; gilaadeu e dee hagadubu de Maadua. Selah

Psalm 10:7

Dono ngudu e honu i muna baubau, ma de hadu muna, aama muna hagamaatagu; gai lalo dono alelo iai de vaivai dagodo ma de baubau.

Jeremiah 41:4

Gai de laangi huu i dua dana daa Gedaliah ga magau, gai tigi ai hogi dangada ne iloo mee laa,