Psalm 51:14 - De Beebaa Dabu

¹⁴ De Maadua, hagaola ina mai au i de magau; de Maadua go koe dogu hagaola, gai au e daahili naa ga tuhi dagodo o doo heohi.

Psalm 51:14 Referans Kwoze

Psalm 35:28

Gai au e tala naa dagodo o doo heohi aama de tuhi goe mai i taiao ga boo ai.

2 Samuel 12:9

Gai gu aha gu hagangadi mee ai naa goe muna a Tagi Maolunga, ma de hai de hegau baubau nei i mada luoono mada? Koe gu daa ma gu magau Uriah, taane Heth, ma de kave dono bodu ma gu hai bodu ange aagena, aama de hai gi maua e denga daane o Ammon i de daa ia gi magau.

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

Hosea 4:2

Gilaadeu e hagatoo donu i de hagasenga, e hadu muna, ma de daa gi maakau dangada, e gaiaa ma de dagodo haisala. Gilaadeu gu oha hainga alodahi, ma de duudagi de daa ga maakau dangada.

Psalm 26:9

Koe gi dee gaavee dogu mouli madali de gau haisala, aabe go de kave dogu mouli madali de gau daa dangada,

Genesis 9:6

Be goai e daia dahi dangada ga magau, gai ia e daa naa hogi gi magau; go hiidinga de Maadua ne hai tangada ga hagadulagi ange gi ono dagodo.

Acts 20:26

Deenei ai, au e tala hagadonu adu gi goodou anailaa nei, doodou maakau gu dee dau mai donu gi de au,

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Habakkuk 3:18

aagai au e malangilangi donu i hiidinga o Tagi Maolunga, au e lodo danuaa naa donu i de Maadua, dogu Ia Hagaola.

Daniel 9:16

De Ia Aamua, au e dangidangi adu, hagahelui ina doo lili ma doo bole i doo aduhale go Jerusalem, go doo mounga dabu, i hiidinga o omaadeu haisala ma baubau o omaadeu dubuna, gi bei dagodo o au hegau heohi alodahi. Jerusalem ma doo huaadangada gu se mee e hakadanga ai dangada alodahi e paa mai gi gimaadeu.

Daniel 9:7

Dogu Ia Aamua, koe e heohi, aagai anailaa nei gimaadeu gu dookaa — go gimaadeu dangada o Judah, ma dangada e nnoho i Jerusalem, aama Israel alodahi, i mommee paa mai ma mommee mmao, i henua alodahi aau gu hai gimaadeu gi mavaevae saele aagena, i hiidinga gimaadeu tee hai hegau adu gi de goe i de mee abodonu.

Ezekiel 33:8

De masavaa naa huu aagu e hai ange ai gi tangada baubau, ‘Tangada baubau, koe e magau donu,’ gai koe e dee hagakana ange tangada baubau laa gi hano gee i ana hegau baubau, gai tangada baubau laa e magau donu i lodo ono haisala, aagai au e dau adu gi de goe dono magau.

Isaiah 45:17

Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Psalm 88:1

Tagi Maolunga, dogu Maadua, go koe dogu hagaola; au e hagahi adu i de laangi ma de boo.

Psalm 68:20

Taadeu Maadua se Maadua e hagaola ina; de Ia Aamua go Iahweh e hagaola ina gidaadeu mai i de magau.

Psalm 55:23

Aagai koe, de Maadua, e tili iho naa de gau baubau gi lo te geelonga o de gau maakau; gai de gau daa dangada ma de daahangadia dangada e dee maua naa donu gi madohi lua olaadeu laangi e mouli ai. Aagai au e hagadonusia goe.

Psalm 38:22

Hagamoolau humai balea mai au, de Ia Aamua dogu Ia Hagaola!

Psalm 25:5

dagina ngau i de mee abodonu ma de agoago mai ai au, i hiidinga go koe dogu Maadua ma dogu Ia Hagaola; go koe dagu tali hagalodolodo i laangi alodahi.

Nehemiah 9:33

Gai koe e heohi donu i dau dugu ange mee nei alodahi gi hai mai gi gimaadeu, go hiidinga koe ne hai hegau i de mee abodonu, aagai gimaadeu ne hai de baubau.

Ezra 9:13

Gai dua demaadeu tuu ange gi mee nei, i hiidinga o amaadeu hegau baubau, ma omaadeu haisala lagolago, gai koe, demaadeu Maadua, tee hagaduasala donu gimaadeu gi bei de lagolago omaadeu baubau, aagai ne hai gi hanu gimaadeu e doe.

2 Samuel 21:1

De masavaa o David e hodooligi ai, gai ne duudagi de hai de onge i honga de henua i e dolu ngadau. Gai David ne ssili ange gi Tagi Maolunga dagodo o de onge. Gai Tagi Maolunga ne hai ange, “De onge nei ne hai i hiidinga o Saul ma dono huaabodu daa dangada; go hiidinga gilaadeu ne daa ga maakau de gau Gibeon.”

2 Samuel 3:28

Muli mai, gai David gu langona e ia mee laa, gai ia ga hagadaba, “Au ma dogu nohoanga hodooligi tee haisala i mada luu mada o Tagi Maolunga i de magau o Abner, tama daane a Ner.

Genesis 42:22

Reuben ne basa ange, ga hai ange, “E aha, tee hai adu au goodou gi dee haia ange de baubau gi tama laa, gai goodou tee hagallongo mai gi de au? Gai iainei gidaadeu gu kave de hagaoanga o adaadeu hegau.”