Psalm 51:13 - De Beebaa Dabu

¹³ Gai au ga agoago ange ai de gau haisala oo haiava, gai gilaadeu e aahe mai naa gi de goe.

Psalm 51:13 Referans Kwoze

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Matthew 18:3

ga hai ange gi gilaadeu, “Ni muna abodonu aagu e hai adu nei gi goodou, noo goodou e dee daahuli bei dagodo o denga gauligi vaaligi, gai goodou e dee maua i de ulu i de nohoanga hodooligi o de langi.

Jeremiah 31:18

Au gu langona de dangi o Ephraim: ‘Koe ne haele au bei dahi kaau gauligi tigi dala laa, gai iainei gu hagalava dau haele au. Hagaahea mai au, gai au e aahe mai naa donu, i hiidinga go koe go Iahweh, dogu Maadua.

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Isaiah 2:3

gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Psalm 32:5

Au e tala adu ogu haisala gi de goe, au e dee hagammuni donu ogu baubau; au ne hagadaba, “Au e tala ange ogu haisala gi Tagi Maolunga;” gai koe ne degi mai gi ogu haisala. Selah

Psalm 25:8

Tagi Maolunga e danuaa gai e heohi; deelaa ai, ia e agoago ange dono haiava gi gilaadeu e haisala.

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

Acts 13:10

ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga?

Psalm 25:4

Tagi Maolunga, hagaagona mai gi de au oo lodo, gai agoagona mai au i oo haiava;

2 Kings 17:18

Deelaa ai, Tagi Maolunga gu lili mmao i de gau Israel, ga aau gee gilaadeu i mada luoono mada. Go de aamuli donu huu o Judah e doe,

2 Kings 17:20

Gai Tagi Maolunga gu kino i denga aamuli alodahi o Israel, gai ia ga hagaduasala gilaadeu, ga hai olaadeu hagadaumee gi gaiaadia alaadeu mee, ga dae ai gi dana aau gee gilaadeu i mada luoono mada.

2 Kings 17:23

ga dae ai gi de masavaa a Tagi Maolunga ne hai ai gilaadeu gi dee nnoho i mada luoono mada, bei dana hai gu tala ai laa i daho ono dangada hai hegau go denga pelaabisi. Deelaa ai, de gau Israel gu noonoodia ga gaavee gi Assyria, ga dae mai ai gi anailaa nei.