Psalm 50:20 - De Beebaa Dabu

²⁰ Koe e duudagi huu de hai baasi ange gi doo daina; ma de hagabaubau tama daane a doo dinana donu.

Psalm 50:20 Referans Kwoze

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Proverbs 10:18

Tangada e hagamuunia laa dono kino se dangada donu hadu muna, gai be goai e hagadele ina muna hagabaubau se dangada lodo senga.

Leviticus 19:16

Aude hano gi hagadele ina hanu muna hhadu i magavaa o dangada. Aude hai baasi ange gi tangada, gai balea ange tangada e baa adu gi de goe, i de masavaa e hagamodu ai ono muna. Go au donu go Iahweh.

Revelation 12:10

Gai au ne langona dahi leo mmahi i de langi e hagadaba, “Gu baa mai de hagaola, ma ssauaa, ma de nohoanga hodooligi o taadeu Maadua, ma ssauaa o dana Klisdo e dagi ai. Go hiidinga de ia e hagabaubau ina odaadeu daina, ma de hagabaubau ina gilaadeu i mada luu mada o de Maadua, i de laangi ma de boo gu tili iho gi lalo.

Matthew 5:11

E manuuia goodou noo e pasa baubau dangada i goodou, ma de vaivai hai goodou, aama de tala denga hagadaagangaa muna hhadu, e hai baasi adu ai gi goodou i ogu hiidinga.

Psalm 31:18

Hagapunidia ngudu o de gau hadu muna, go de gau hagamaolunga ma de lodo maolunga e pasa hagamaolunga laa i gilaadeu e heohi.

Titus 2:3

Gai e bei ai hogi denga haahine maatua, agoagona ange gilaadeu gi ni haahine dabu i delaadeu hai e hai hegau ai, gilaadeu gi dee hai samu, aabe gi ssenga ange gi de unu uvaini, aagai gilaadeu gi ni haahine e agoagona mee danuaa.

1 Timothy 3:11

E bei ai hogi, olaadeu bodu gi ni haahine e hagadubu i daho dangada, gilaadeu gi dee llodo e hai samu, gai gi dee llodo e unu gi ssenga, gai gi hai hegau i de muna abodonu i mee alodahi.

Luke 22:65

Gai ne lagolago ange alaadeu muna ne tala ga hagangadi mee ai ia.