Psalm 50:18 - De Beebaa Dabu

¹⁸ Noo koe e gidee dahi dangada gaiaa, gai koe e hai soa ange gi de ia, koe e hagabuni ange gi de gau dagodo haisala.

Psalm 50:18 Referans Kwoze

1 Timothy 5:22

Aude hagamoolau gi hagadabu ina dahi dangada, aabe gi hagabuni ange gi dahi gi haisala ai. Koe gi gilimalali oo dagodo.

Romans 1:32

Gai e dee galemu donu delaadeu iloo dagodo o de hagamodu heohi a de Maadua, bolo dangada e haia hegau bee nei e maakau donu, gai gilaadeu e dee duudagi donu huu de hai mee nei, aagai gilaadeu e malangilangi donu hogi i dangada e haia mee nei.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Matthew 23:30

gai goodou e hagataba hogi, ‘Noo gimaadeu ne mouli i de masavaa o omaadeu dubuna madagidagi, gai gimaadeu tee hagabuni ange donu gi gilaadeu e daa ai gi maakau denga pelaabisi.’

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Isaiah 5:23

go gilaadeu e degi ange gi tangada gu haisala i hiidinga o de ngadi gaavange hagasenga, aagai e dee hagamodu muna o tangada tigi haisala i de mee heohi.

Leviticus 20:10

Noo dahi daane gu dagodo haisala ma de bodu o dahi dangada gee, gai gilaau ngaadahi e daa donu gi maakau.

2 Samuel 13:5

Jonadab ne hai ange gi de ia, “Hannoo dagodo i honga oo moenga, ga hai bolo koe gu magi. Gai de masavaa naa huu o doo damana e humai ai e tilo goe, gai koe ga hai ange gi de ia, ‘Au e dangidangi adu, haia dogu daina hahine go Tamar gi humai gi haia mai agu gai. Ia gi hagadabena ina agu gai i de mommee aagu e maua ai i de tilo ia, gai ia ga haangai mai ai hogi au.’ ”