Psalm 50:15 - De Beebaa Dabu

¹⁵ ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 50:15 Referans Kwoze

Psalm 107:28

Gai gilaadeu ga tangi ange gi Tagi Maolunga i delaadeu hai ngadaa, gai ia ga hagaola gilaadeu mai i olaadeu duasala.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Psalm 107:19

Gai gilaadeu ne tangi ange gi Tagi Maolunga i delaadeu hai ngadaa, gai ia ga hagaola gilaadeu mai i olaadeu duasala.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Psalm 81:7

Koe ne hagahi mai au i doo duasala, gai au ne hagaola goe; au ne basa adu gi de goe mai i lo te hagausinga o de hatuli, gai au ne hagatale oo dagodo i de vai go Meribah. Selah

James 5:13

Noo dahi goodou gu hai ngadaa, gai ia gi dalodalo. Noo dahi goodou e malangilangi, gai ia gi daahili gi duuhia.

Luke 22:44

Gai ia ne dalodalo hagammahi i de daemaha mmao ono lodo, gai ono daadaa gu bei denga madaua dodo nnui gu too iho gi honga de gelegele.

De Beebaa go Job 22:27

Gai koe ga dalodalo ange gi de ia, gai ia e langona dau dangidangi, gai koe ga hagasula au mee gu hagatoo donu ai.

Acts 16:25

Aagai lo te boo huu gai a Paul ma Silas ga dalodalo, ma de daahili ange gi de Maadua, gai dangada i lo te hale pono ne hagallongo delaau daahili ma de dalodalo.

Matthew 5:16

Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.

John 15:8

Deenei de mee e hagamahamaha ai dogu Damana, go doodou hhua lagolago, e hagaago mai ai bolo goodou ni dangada agoago donu niiagu.

Psalm 77:2

De masavaa oogu ne hai ngadaa ai, gai au ne ssala de Ia Aamua laa; au tee dalea donu i de haalo luoogu lima i talodalo, au tee lodo gi hagaaneane ina ogu lodo.

Psalm 22:23

Goodou e maatagu i Tagi Maolunga, duuhia ia! Goodou denga hagadiilinga o Jacob, hagadubu ina ia! Denga aamuli o Israel alodahi, goodou hagadubu ina ia!

1 Peter 4:14

Noo goodou e hagadookaa ina i hiidinga de ingoo o Klisdo, gai goodou gu manuuia, go hiidinga de Hagasaalunga o de mahamaha, e bei go de Hagasaalunga o de Maadua, e noho i oodou elunga.

Psalm 50:23

Tangada e haia de hagaahe mai de abodonu go dana sigidaumaha e hagadubu au, gai au e hagaago ange gi tangada e seesee i de heohi de hagaola a de Maadua.”

1 Peter 4:11

Noo dahi dangada e agoago, gai ia gi daalaa muna a de Maadua. Noo tangada se dangada e balea ange dangada, gai ia gi haia mee nei i mahi a de Maadua gu gaavange gi de ia, gai gi duuhia ai de Maadua i mee alodahi i daho Iesu Klisdo. Gai go ia e bau ange gi de kave taadeu tuhi ma de mahamaha ma ssauaa ga hano ai e dee ngado mai. Amen.

Judges 15:19

Gai de Maadua ga hhuge dahi mommee gi masaavava i Lehi, gai denga vai gu ssali age i kilaa. Gai Samson ga unu ai, gai ia gu ahe ange ga mmahi. Deelaa ai, de mommee laa gu hagaingoo ange go En Hakkore; gai e dagodo donu huu i Lehi ga dae mai ai gi anailaa nei.

2 Kings 20:2

Gai Hezekiah ga dige ga huli ange gi de baasi o de hale, ga dalodalo ange gi Tagi Maolunga, ga hai ange,

2 Chronicles 20:9

‘Noo gu baa mai de hai ngadaa gi gimaadeu — e dee hilihili be se hebagi, be se mee hagamaakau, aabe go de onge — gai gimaadeu gi loomai gi tuu i oo mada i mua i ma te hale nei, go de hale e hagadubu ai doo ingoo, gai gimaadeu e dangidangi adu gi de goe i demaadeu hai ngadaa, gai koe e hagalaangona amaadeu dalodalo ga hagaola gimaadeu.’

Psalm 4:2

Dangada, dee hee maa taulooloa doodou hagangadi mee au? Gai dee hee maa taulooloa doodou tala hanu ngadi muna, ma de ssala muna hagasenga? Selah

Psalm 34:5

Gilaadeu e tali hagalodolodo ange gi de ia e malangilangi; gai gilaadeu e dee dookaa naa donu.

Psalm 34:7

Tangada de langi o Tagi Maolunga e duuli ma de hagaloosi gilaadeu e maatagu i de ia, aama de hagaola gilaadeu.

Psalm 77:3

De masavaa aagu ne manadua ai goe, de Maadua, gai au ne gonogono; dagu maanadu mee nei, gai au gu baageaa ogu lodo. Selah

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Psalm 86:7

Au e hagahi goe i laangi oogu e duasala ai, gai koe e basa mai gi de au.

Psalm 120:1

Au ne hagahi ange Tagi Maolunga i dogu duasala, gai ia ga basa mai gi dagu dangidangi.

Jeremiah 39:17

Aagai au e hagaola naa goe i de laangi laa, go Tagi Maolunga e hagadaba; gai koe e dee dugu ange naa donu gi denga daane oou e madagu ai naa.