Psalm 50:14 - De Beebaa Dabu

¹⁴ Hagaahe ange de abodonu gi de Maadua i ssigidaumaha, koe gi hagassula ina au hagatoo donu ange gi de Ia Maolunga Mmao laa,

Psalm 50:14 Referans Kwoze

Hebrews 13:15

Deenei ai, gidaadeu ga duudagi taadeu gaavange gi de Maadua ssigidaumaha o de tuhi, i de ingoo o Iesu i masavaa alodahi, deenei go taadeu tala hagadonu dono ingoo.

Psalm 56:12

De Maadua, au e hagasula naa donu agu mee gu hagatoo donu adu ai gi de goe; au e gaavadu naa gi de goe ssigidaumaha e hagaahe adu ai de abodonu gi de goe.

Deuteronomy 23:21

Gai noo koe gu hagatoo donu ange gi Tagi Maolunga doodou Maadua i dahi mee, gai koe hagamoolau haia gi bei, gi dee haisala ai goe i de mee nei. Gai Tagi Maolunga doodou Maadua e hai naa donu goe gi hagasula ina de mee nei.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Psalm 76:11

Haia au hagatoo donu ange gi Tagi Maolunga doo Maadua gai hagassula ina mee nei; dangada alodahi i henua e paa mai gi gaamai mee ngadi gaavange gi de Ia Hagamaatagu.

1 Thessalonians 5:18

ma de hagaahe ange de abodonu i mee alodahi; go hiidinga aanei donu lodo o de Maadua i lodo o Klisdo Iesu.

Romans 12:1

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Psalm 50:23

Tangada e haia de hagaahe mai de abodonu go dana sigidaumaha e hagadubu au, gai au e hagaago ange gi tangada e seesee i de heohi de hagaola a de Maadua.”

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Nahum 1:15

Galo ange diiloo honga denga mounga, dabuvae o de ia e gaamai de longo danuaa, ma de tala dagodo o de nnoho paba! Judah, haia au daonga, ma de hagassula au hagatoo donu. Go hiidinga gu deai ange dangada baubau e kage mai gi honga doo henua; gilaadeu gu daia ma gu maakau.

Psalm 147:1

Duuhia Tagi Maolunga! E danuaa mmao de daahili tuhi ange gi taadeu Maadua; e hagamalangilangi mmao ma de heohi taadeu tuhi ia!

Psalm 65:1

De Maadua, e heohi donu de tuhi goe i Zion, ma de hagassula amaadeu hagatoo donu adu gi de goe.

Psalm 27:6

Gai au e kii naa i ogu hagadaumee e duuli ina luoogu baasi; au e hai naa ssigidaumaha i dono hale malo i de malangilangi laumalie ma de daahili ga tuhi Tagi Maolunga.

Psalm 22:25

Au e tuhi goe madali doo hagabuulingaa dangada; gai au e hagassula agu mee gu hagatoo donu ai i madamada olaadeu e maatagu i de goe.

Psalm 61:8

Gai au e daahili naa ga tuhi doo ingoo ga hano ai, ma de hagassula agu hagatoo donu i laangi alodahi.

Deuteronomy 23:22

Gai noo koe e dee hagatoo donu i dahi mee, gai koe e dee haisala.

Deuteronomy 23:23

Gai koe hagasula ina au muna gu tala i doo ngudu, i hiidinga koe ne hai ange de hagatoo donu nei gi Tagi Maolunga doo Maadua i doo ngudu.

Deuteronomy 23:24

Noo koe e seesee i lo te veelengaa grape a dahi dangada e baa adu gi de goe, gai koe e maua i de hagihagi ga gai be aahee mee aau e lodo e gai i denga grape i kilaa, aagai koe e dee maua i de hagihagi hanu e hhao i dahi gede e kave ai.

De Beebaa go Job 22:27

Gai koe ga dalodalo ange gi de ia, gai ia e langona dau dangidangi, gai koe ga hagasula au mee gu hagatoo donu ai.

Psalm 22:26

De gau hagaau aloha e gaimee naa ga boobosu; gilaadeu e saalaa Tagi Maolunga e tuhi naa ia, gai oodou lodo gi mouli ga hano ai!

Psalm 69:32

Gai gi malangilangi ai gilaadeu e duasala i delaadeu gide mee nei; dangada e saalaa de Maadua e maamaane olaadeu lodo.

Psalm 76:12

Ia e hagamaolalo dagi o de henua, gai denga hodooligi o henua i lalo e maatagu i de ia.

Nahum 2:1

Nineveh, tangada oohaa mee gu humai e hai baasi adu gi de goe. Dagitilo i honga de buibui o de aduhale; hagaloosia de haiava; hagadaabena ina oodou goloa hebagi, gai hagammahi ina goodou ma de lo taane!