Psalm 5:9 - De Beebaa Dabu

⁹ E deai se gilaadeu e maua i de tala de muna abodonu, gilaadeu e maanadu donu huu de daa dangada. Olaadeu holomanga e bei taanunga e mahuge laa; gilaadeu e hagasegesege ange i alaadeu muna.

Psalm 5:9 Referans Kwoze

Romans 3:13

Olaadeu holomanga e bei denga daanunga e maahuge laa; olaadeu alelo e daahanga dangada. Mee hagammau o denga labodo hagammau i lalo olaadeu malaungudu.

Psalm 62:4

Gilaadeu gu nnoho e aau gee ia mai i dono duulanga maolunga; gilaadeu e malangilangi i denga muna hhadu. Gilaadeu e hagamanuuia dangada i alaadeu muna, aagai olaadeu lodo e hagamalaia gilaadeu. Selah

Micah 6:12

De gau lava o de aduhale e vaivai hai dangada, gai dangada e nnoho i oo daha e hadu muna, ma de tala muna hagasenga i olaadeu ngudu.

Proverbs 29:5

Be goai e hagasegesege ina ange tangada e bei tangada e dugua laa dahi galauna gi llave ai luoono vae.

Psalm 51:6

Ni muna abodonu, koe e lodo gi dagodo de mee abodonu i de lodo; gai koe agoagona mai ogu lodo i de heiangi abodonu.

Luke 11:44

E vakaa naa goodou! Go hiidinga goodou e bei dagodo o denga daanunga e dee gidee laa e dangada, gai dangada e dee iloo bolo gilaadeu e seesee i olaadeu elunga.”

Psalm 52:2

Doo alelo e tala denga hagatau e daa ai dangada; doo alelo e kangi bei de leesaa, koe se dangada hai hegau hadu muna.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Psalm 64:6

Gilaadeu e hai dahi hagatau dee heohi, ma de hagataba, “Taadeu hagatau gu hai e danuaa mmao!” Maanadu ma lodo o tangada e gelo mmao.

Psalm 62:9

De gau maolalo e bei dagodo o dahi damaa madangi; de gau maolunga e bei dagodo o de mee hagasenga. Gilaadeu e bei denga mee maamaane i honga mee hagahidi; gilaadeu alodahi e maamaane ange i dahi damaa madangi.

1 Thessalonians 2:5

Goodou e iloo bolo gimaadeu tee hagasegesege adu donu goodou i amaadeu muna, be ne hagasenga goodou gi dee iloo ai e goodou demaadeu nnoo hagamau mee — go de Maadua demaadeu dangada tala hagadonu.

Luke 11:39

Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau.

Ezra 8:21

Gai au ne hagailoo bolo ga hai dahi masavaa o de hagahiikai i gaogao ssaalingaa vai go Ahava, gai gimaadeu ga hagamaolalo ai gimaadeu i mada luu mada o demaadeu Maadua, ga dangidangi ange ia gi dagina gimaadeu, ma amaadeu gauligi aama omaadeu goloa alodahi.

Psalm 27:11

Tagi Maolunga, agoagona mai au i doo haiava, dagina adu au i de haiava soe, i hiidinga o ogu hagadaumee.

Psalm 69:19

Koe e iloo dogu hagangadi mee ina, ma dogu hagadogaa ina aama dogu dee hagadubulia; gai koe e iloo ogu hagadaumee alodahi.

Isaiah 26:7

De haiava o tangada heohi e soe; gai koe e hai naa gi soe de haiava o tangada heohi.