Psalm 5:7 - De Beebaa Dabu

⁷ Aagai au e ulu naa i doo hale i hiidinga de laumalie doo abodonu, au e huli ange naa gi doo temple dabu ga daumaha.

Psalm 5:7 Referans Kwoze

Psalm 138:2

Au e huli ange gi doo temple dabu ga daumaha ai, ma de hagadegi doo ingoo i hiidinga doo abodonu aama doo hai hegau i de mee abodonu; go hiidinga koe gu hagaamua doo ingoo aama au muna.

Psalm 132:7

“Gidaadeu ga hulo gi dono mommee e noho ai; gidaadeu ga ino e daumaha i gaogao de mommee e dugu ange aagena luoono vae.”

Psalm 69:13

Aagai au e dalodalo adu gi de goe, Tagi Maolunga, i de masavaa o doo abodonu; basa mai gi dagu dalodalo i hiidinga doo abodonu laumalie, ma doo hai hegau i de mee abodonu.

Hebrews 4:16

Deenei ai, gidaadeu gi lo taane i de loomai e hagapaa ange gi de nohoanga o de abodonu laa, gi maua ai e gidaadeu i de kave de abodonu ma tegi e bale mai ai gidaadeu i de masavaa odaadeu e duasala ai.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Daniel 6:10

Gai ga iloo huu e Daniel bolo gu hagasauaa de hainga laa, gai ia ga hano gi teege i lunga o dono hale, gi de mommee iai denga abaaba vaaligi e maahuge laa ma e huuhuli ange gi Jerusalem. Gai ia ne duuduli i kilaa ga dalodalo i e dolu hanonga i de laangi, gai ia ga hagaahe ange de abodonu i mada luu mada o de Maadua, bei dana dahulinga e hai i de laa tubua.

Joshua 24:15

Aagai noo e dee heohi mai i oodou daha de daumaha ange gi Tagi Maolunga, gai ailaa nei goodou hilihilia be goai oodou e daumaha ange aagena: go denga diinonga a oodou dubuna madagidagi nogo daumaha ange aagena i de baasi laa o Euphrates, aabe go diinonga o de gau Amor oodou e nnoho naa i olaadeu magavaa i delaadeu henua. Aagai au ma dogu huaabodu, gimaadeu e daumaha ange gi Tagi Maolunga.”

Acts 9:31

Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

1 Kings 8:38

gai de masavaa naa huu o dahi oo dangada go de gau Israel e dalodalo ai ma de dangidangi, i de duasala ono lodo, gai ia ga huli ga haalo mai luoono lima gi de hale nei,

Isaiah 64:11

Demaadeu temple dabu ma de mahamaha, go de mommee omaadeu maadua ne tuhi ai goe, gu dudu i de ahi; gai omaadeu goloa hagamogomogo alodahi gu maoha ma e daakodo ai.

Psalm 69:16

Tagi Maolunga, basa mai gi dagu dalodalo i hiidinga doo lodo aloha; anga mai gi de au, i hiidinga doo abodonu e laumalie mmao.

Psalm 55:16

Aagai au e hagahi de Maadua; gai Tagi Maolunga ga hagaola ai au.

Psalm 52:8

Aagai au e bei de manu somo go de olive e somo laa i lo te hale o de Maadua. Au e hagadonusia bolo de Maadua e abodonu ga hano ai e dee ngado mai.

Psalm 51:1

De Maadua, degi mai gi de au gi bei dagodo o doo abodonu; sooloa gi deai ogu haisala, bei de laumalie o doo lodo aloha.

Psalm 28:2

Hagalaangona dogu dangidangi adu koe gi abodonu mai, i de masavaa oogu e dangi adu ai i de bale, ma dagu haalo adu ai luoogu lima gi doo mommee dabu mmao.

1 Kings 8:35

De masavaa naa huu aau e daohi ai gi dee pala de langi, i hiidinga gilaadeu gu haisala adu gi de goe, gai noo gilaadeu e huuhuli mai gi de hale nei ga dalodalo ai, ga hagadubu doo ingoo, ma de tili olaadeu haisala, i hiidinga dau hagaduasala gilaadeu,

Psalm 130:4

Aagai koe e degi ange gi haisala o dangada, gai gi maatagu ai gilaadeu i de goe.

Psalm 34:17

Gilaadeu e heohi e tangi, gai Tagi Maolunga e langona delaadeu tangi; ia e hagaola gilaadeu mai i olaadeu hai ngadaa alodahi.

Psalm 101:7

E deai donu se dangada e hai hegau hagasenga e maua i de noho i dogu hale; gai e deai donu se dangada hadu muna e maua i de noho madali au.

Proverbs 6:16

E ono mee o Tagi Maolunga e kino ai, gai e hidu mee hakino gee i ono daha:

Proverbs 6:17

go luu mada hagamaolunga, ma de alelo hadu muna, ma lima e daia dangada tigi haisala,