Psalm 49:14 - De Beebaa Dabu

¹⁴ Gilaadeu gu paba ange laa e daa gi maakau bei dagodo o denga ssiibi; de magau e hagaloosi ange gilaadeu. Aagai de gau heohi e hagadee kii naa gilaadeu i taiao; olaadeu angaanga e pobo naa i lo te daanunga, gilaadeu gu mmao gee mai i olaadeu hale danuaa.

Psalm 49:14 Referans Kwoze

Malachi 4:3

Gai goodou e dagadagahi naa gi lalo de gau baubau. Gilaadeu e bei naa denga lehu i lalo oodou vae, i de laangi aagu e hai ai agu hegau, go Tagi o denga hagabuulinga hebagi e hagadaba.

1 Corinthians 6:2

Goodou e dee iloo bolo go dangada o de Maadua e hagamodu ina muna o henua i lalo? Noo go goodou e hagamodu ina muna o henua i lalo, gai gu aha gu dee maua ai e goodou i de hagamodu dagodo o mee vaaligiligi naa?

Daniel 7:22

ga dae ai gi de humai o de Ia mai Madagidagi, ga hagamodu muna ga gaavange de heohi gi de gau dabu o de Ia Maolunga Mmao laa. Gai gu dae mai de masavaa e dugu ange ai ssauaa o de nohoanga hodooligi gi de gau dabu.

De Beebaa go Job 30:23

Au e iloo bolo koe e kave naa ngau gi de magau, go de mommee gu hagadabena ange gi dangada alodahi e mouli.

Romans 8:36

Gai gu sisi e hai ange, “Gimaadeu e daia ga maakau i laangi alodahi i oo hiidinga; gimaadeu e bei dagodo o denga ssiibi gu paba ange laa e daa gi maakau.”

Luke 22:30

gai goodou ga gaimee ai ma de unu i teebele i dogu nohoanga hodooligi, ma de nnoho i honga denga nohoanga maolunga ga hagamodu ai muna o denga aamuli o Israel e dinoangahulu ma dogolua.

Daniel 7:18

Aagai de gau dabu o de Ia Maolunga Mmao laa e kave naa de nohoanga hodooligi ga hodooligi ai, ga hano ai e dee ngado mai.’

Psalm 39:11

De masavaa aau e haele ai dangada ma de hagasee gilaadeu i hiidinga olaadeu haisala, gai koe e oha ono goloa hagamogomogo bei hegau a de goa. Ni muna abodonu, dangada alodahi e bei donu huu de madangi o de manava. Selah

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Jeremiah 12:3

Tagi Maolunga, koe e iloo ogu dagodo; koe e gidee ogu dagodo ma de hagatale dagodo o ogu lodo adu gi de goe. Daagina gilaadeu gaavee bei denga ssiibi e kave laa e daa gi maakau, gai vaae gilaadeu e hagadabena ange gi de laangi o de daa gi maakau!

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

Psalm 47:3

Ia ne hai gimaadeu gi hagadee kii ina denga huaahenua, ma de hai gilaadeu gi nnoho i omaadeu lalo.

Psalm 44:11

Koe ne hai gimaadeu bei denga ssiibi gu hagadabena e daa gi maakau, ma de hai gimaadeu gi mavaevae saele i denga henua gee.

Psalm 9:17

Tangada baubau e ahe ange gi de mommee o de gau maakau, madali denga huaahenua ne ngalo laa de Maadua.

De Beebaa go Job 21:26

Gai luu dangada nei ngaadahi ne danu i lo te gelegele, denga ilo e tolo i olaau angaanga ngaadahi.

De Beebaa go Job 21:13

Gilaadeu e duadonu i taulooloa olaadeu mouli, gai e nnoho paba i de masavaa olaadeu e hulo ai gi de mommee o de gau maakau.

De Beebaa go Job 4:21

E aha, daula o olaadeu hale malo tee dada age laa, gai gilaadeu e dee maakau laa i teai olaadeu heiangi?’