Psalm 48:8 - De Beebaa Dabu

⁸ Gimaadeu gu langona, ma de gidee i lo te aduhale o Tagi o denga hagabuulinga hebagi, ma lo te aduhale o demaadeu Maadua; de Maadua gu hai de aduhale laa gi dagodo ga hano ai. Selah

Psalm 48:8 Referans Kwoze

Psalm 87:5

Gai dangada e hagataba naa i dagodo o Zion, “Tangada nei ma tangada laa ne haanau i lo te aduhale;” go de Ia Maolunga Mmao laa e hagaduulia gi makaga de aduhale laa.

Matthew 16:18

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

Micah 4:1

Denga laangi hagaodi naa huu, gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai dangada e daga mai naa ga loomai gi kilaa;

Psalm 46:5

De Maadua e noho i kilaa, de aduhale laa e dee maua naa donu gi baguu; gai de Maadua e bale ange de aduhale laa i de ao de mee.

Isaiah 2:2

Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

Isaiah 38:19

Go tangada e mouli, go tangada e mouli, e hagaahea adu de abodonu gi de goe, bei ogu dagodo anailaa nei; go denga damana e daalaa ange gi alaadeu dama dagodo o doo hai hegau i de muna abodonu.

1 Kings 22:49

De masavaa laa gai Ahaziah, tama daane a Ahab, ne hai ange gi Jehoshaphat, “Gidaau ga hai hanu ogu daane ma hanu oo daane gi hulo i honga denga vaga nei,” gai Jehoshaphat tee lodo.

Ezekiel 27:26

Oo daane gabegabe ne kave goe gi honga de moana. Aagai de madangi mai i dua ne oha goe ga too dagidahi i de moana mmao.