Psalm 46:5 - De Beebaa Dabu

⁵ De Maadua e noho i kilaa, de aduhale laa e dee maua naa donu gi baguu; gai de Maadua e bale ange de aduhale laa i de ao de mee.

Psalm 46:5 Referans Kwoze

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Joel 2:27

Gai goodou e tonu ange naa bolo au e noho donu i Israel, gai go au go Iahweh doodou Maadua, e deai ange donu; ogu dangada e dee aahe ange naa donu ga dookaa.

Zephaniah 3:15

Tagi Maolunga gu kave gee doo hagaduasala, ia gu hai gi aahe dua oo hagadaumee. Tagi Maolunga, de Hodooligi o Israel, e noho madali goe; gai koe e dee madagu ange naa donu i dahi mee hai ngadaa.

Ezekiel 43:7

Ia ne hai mai, “Tama a tangada, deenei de mommee iai dogu nohoanga, ma de mommee e dugu ange aagena luoogu vae. Deenei dogu mommee e noho ai madali de gau Israel ga hano ai. Gai de gau Israel ma olaadeu hodooligi gu dee aahe ange e hagangadi mee dogu ingoo dabu, i delaadeu daumaha ange gi olaadeu diinonga, ma de danu olaadeu hodooligi i olaadeu mommee daumaha.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Psalm 62:2

Go ia donu huu dogu baba makaga ma dogu hagaola; go ia dogu mommee buibui makaga; au e dee ngalungalue donu.

Psalm 112:6

Ni muna abodonu, tangada heohi e dee baguu naa donu; gai dangada e dee ngalo naa donu ia ga hano ai.

Matthew 18:20

Gai be go hee naa huu e buni ai e dogolua aabe dogodolu i dogu ingoo, gai au e noho hogi i olaadeu daha.”

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Ezekiel 43:9

Deenei ai, gilaadeu gi aaua gee mai i ogu mada i mua, de daumaha ange gi denga diinonga, ma daanunga o olaadeu hodooligi, gai au ga noho i olaadeu daha ga hano ai.

Psalm 62:6

Go ia dogu baba makaga ma dogu hagaola, go ia dogu mommee buibui makaga; au e dee ngalungalue donu.

Deuteronomy 23:14

Go hiidinga Tagi Maolunga doodou Maadua e noho madali goodou i de mommee nnoho gaainga, gai ia ga hagaola ai goodou ma de hai gi dee kii oodou hagadaumee. Deenei ai, goodou haia gi dabu doodou mommee nnoho gaainga, gai ia gi dee gidee dahi mee hakino gee daudahi, gai ia ga huli gee i goodou.

Psalm 37:40

Tagi Maolunga e bale ange ma de hagaola gilaadeu; ia e hagaola mai gilaadeu i de gau baubau ma de hagamouli gilaadeu, i hiidinga gilaadeu e hai ia go delaadeu buibui.

Hosea 11:9

Au e dee hagasula naa donu i dogu lili, aabe e huli ange ga oha Ephraim. Go hiidinga au go de Maadua, au e dee se dangada, go de Ia Dabu e noho laa i oodou magavaa. Au e dee hanadu naa donu ma dogu bole.

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Luke 18:8

Au e hai adu gi goodou, e deai, ia e hagamoolau naa donu ga bale ange gilaadeu. Gai e aha, e maua naa e Tama a Tangada i de gidee hanu e kai i henua i lalo, i dono masavaa e ahe mai ai?”

Psalm 143:8

Haia gi langona e au i taiao doo abodonu, go hiidinga au e hagadonusia goe. Agoagona mai dogu haiava e hano ai, i hiidinga au e dalodalo adu gi de goe.

Psalm 125:1

Gilaadeu e hagadonusia Tagi Maolunga e bei de mounga go Zion, e dee maua laa gi baguu gai e duu ga hano ai.

Psalm 68:18

Koe ne hanage gi de mommee maolunga, ma de dagi de gau dee kii madali goe, koe ne kave mee ngadi gaavange mai i daho dangada; aama daho dangada hogi e hai baasi adu, gai koe, Tagi Maolunga de Maadua, ga noho ai i kilaa.

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.

Exodus 14:27

Deelaa ai, Moses ne haalo ange dono lima gi honga de vai, gai gu ahe ange ga bei ono dagodo i mua i de masavaa ne ao ai de mee. Gai denga daane hebagi o Egypt tee maua i de saavini e hulo gee ai. Gai Tagi Maolunga ne hagaabulu gilaadeu gi lo te vai.

Exodus 14:24

Gai denga aoaa hagaloosi hagaodi huu, i de baasi gi boo taiao, gai Tagi Maolunga ne galo iho i lo te duludulu o de ahi ula ma de hagausinga ga tilo de hagabuulingaa daane hebagi o de gau Egypt, ga hai gilaadeu gi ssenga ange.

Ezekiel 47:1

Gai ia ne hagaahe mai au gi de haitoga o de hale daumaha; gai tilo, de vai e sali mai i lalo de haitoga o de hale daumaha i de bido gi dua, go hiidinga de hale daumaha e huli gi dua. Gai de vai e sali iho i lalo de baasi gi ngaage o de haitoga o de hale daumaha, i baasi i ngaage de mommee o ssigidaumaha.