Psalm 45:14 - De Beebaa Dabu

¹⁴ Ia e gahu i malo maaga hagalaagii ga dagi ai gi daho de hodooligi, ono soa go denga bua mmoe e daudali mai i ono dua, ma de gaamai ia gi oo daha.

Psalm 45:14 Referans Kwoze

2 Corinthians 11:2

Au gu lodo gaiaa i oodou hiidinga i de lodo gaiaa o de Maadua. Au ne hagatoo donu e hai goodou go de hagababa gilimalali o dahi daane, go Klisdo.

Song of Songs 8:13

Koe, de ia e noho laa i lodo veelenga, madali oo soa e langona laa doo leo, haia gi langona e au doo leo!

Song of Songs 6:13

Ahe mai, ahe mai, tamaa hine Shulam, ahe mai, ahe mai, gimaadeu e llodo e haaina goe. Gu aha gu llodo ai goodou e haaina de hine Shulam, bei doodou tilo de aanunga i mada i mua o e lua hagabuulinga hebagi?

Song of Songs 6:8

E dinoono bodu o de hodooligi, ma e dinovalu ono bodu laa daha, ma denga bua mmoe soa mmao;

Song of Songs 6:1

De hine e mahamaha ange i denga haahine, go hee o de ia oou e aloha ai ne hano aagena? Dee hee dono haiava ne daa ga hano ai, gai gimaadeu ga bale adu goe e ssala ai ia?

Song of Songs 2:7

Denga damaa hine o Jerusalem, au e hagatoo donu adu gi goodou i ingoo o denga gazelle, ma denga dia haahine o lodo henua: goodou aude haangona ange de aloha ga dae ai gi dono lodo e ala.

Exodus 28:39

Gai koe ga llanga hogi dahi malo belee ma dahi goobai malo i linen danuaa, ma dahi mee nnoa ungaalodo ga maaga i de niila.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

Judges 5:30

‘E aha, gilaadeu tee gidee laa ma de vaevae goloa ne maua i de hebagi? E dahi daane hebagi e dahi aabe e dogolua ana damaa hine; Sisera ne kave malo iai hagadaagangaa leebunga, ma malo gu maaga e dau ange gi dogu ua — mee nei alodahi e dee ni mee ne maua i de hebagi?’

Exodus 27:16

Gai de malo e dau i ma te haitoga o de buibui laa daha e hai gi madalua sugilima, gai e hai i huga malo buluu, ma de purple aama de mmea e amu ga hilo i linen danuaa, ga maaga i de niila, madali e haa duludulu ma olaadeu dagelo e haa.