Psalm 44:5 - De Beebaa Dabu

⁵ Go doo sauaa amaadeu ne hagadee kii ai omaadeu hagadaumee; gimaadeu ne hagamaakulu omaadeu hagadaumee.

Psalm 44:5 Referans Kwoze

Psalm 108:13

Go de Maadua e hagammahi gimaadeu, gai go ia e hagadee kii ina omaadeu hagadaumee.

Psalm 60:12

De bale a de Maadua e hagammahi gimaadeu, gai go ia e hagadee kii ina omaadeu hagadaumee.

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Deuteronomy 33:17

Dono mahamaha e bei dagodo o de kaau mmahi, gai luoono hanga e mmahi bei hanga o de kaau aada. Ia e hagalagolagohia denga huaadangada i luoono hanga, ga usu gilaadeu alodahi gi de bido laa o henua i lalo. Aanei dagodo o tahisemada dangada o Ephraim; aanei hogi dagodo o tahisemada dangada o Manasseh.”

Zechariah 10:5

Gilaadeu alodahi e bei denga daane dau o de hebagi, e dagadagahia laa de hagadaumee gi lodo bela i honga haiava. Gilaadeu e kii naa i de hebagi, go hiidinga Tagi Maolunga e noho madali gilaadeu, gilaadeu e hai naa ga dookaa dangada e kage i honga hoosa.

Daniel 8:4

Gai au ne gidee ssiibi laa e usu denga mee gi dai ma ngaiho aama ngaage i luoono hanga. Gai e deai donu se manu dolodolo daudahi e bau ange gi de ia, e deai hogi se dangada e maua i de hagaola dahi mai i de ia, i hiidinga dono mahi. Gai ia e hai donu huu ono mee e lodo ai, ma de hai gi hagadaga ange dono maolunga.

Psalm 91:13

Koe e dagadagahi naa de laiono ma de labodo, ma de laiono mmahi aama de labodo hagammau gi lalo oodou vae.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

1 Kings 22:11

Gai Zedekiah, tama daane a Kenaanah, ne hai e lua hanga manu i denga iron, ga hai ange, “E hagadaba Tagi Maolunga, ‘Koe e hebagi ange naa gi denga daane Syria i hanga nei ga daa gilaadeu gu odi i de maakau.’ ”

Psalm 5:3

Tagi Maolunga, koe gi hagalangona dagu dangidangi i taiao, au e hagadabena dagu sigidaumaha adu gi de goe i taiao ma de noho ga tali ⌊doo basa mai⌋.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.