Psalm 44:22 - De Beebaa Dabu

²² Gimaadeu e daia ga maakau i laangi alodahi i oo hiidinga, gimaadeu e bei dagodo o denga ssiibi gu paba ange laa e daa gi maakau.

Psalm 44:22 Referans Kwoze

Romans 8:36

Gai gu sisi e hai ange, “Gimaadeu e daia ga maakau i laangi alodahi i oo hiidinga; gimaadeu e bei dagodo o denga ssiibi gu paba ange laa e daa gi maakau.”

Isaiah 53:7

Ia ne vaivai haia ma de hagaduasala, aagai ia tee hhanga donu dono ngudu; ia ne dagina bei dahi ssiibi gauligi e kave laa gi de mommee e daa ai denga manu, ia e bei ssiibi e dee muu laa i mada i mua, o dangada e duuduudia ono huluhulu, gai ia tee hhanga donu dono ngudu.

Psalm 44:11

Koe ne hai gimaadeu bei denga ssiibi gu hagadabena e daa gi maakau, ma de hai gimaadeu gi mavaevae saele i denga henua gee.

John 15:21

Aagai gilaadeu e hai adu naa mee nei alodahi gi goodou i hiidinga o dogu ingoo, go hiidinga gilaadeu e dee iloo de ia ne haia nei au gi humai.

1 Corinthians 4:9

Gai e dagodo be de Maadua gu dugu gimaadeu, de gau tala, gi de hagaodi hugadoo, bei dagodo o dangada gu hagamodu e daa gi maakau i madamada o dangada alodahi; de gau henua i lalo ma de gau de langi aama dangada alodahi.

1 Kings 19:10

Gai ia ga hai ange, “Au ne hagaduu ngae ga hai hegau a Tagi Maolunga, de Maadua o denga hagabuulinga hebagi. Aagai de gau Israel gu tili dau hagatoo donu hagaheloongoi, ma de oha oo mommee o ssigidaumaha, ma de daa ga maakau oo pelaabisi i de gadilaasa. Go au donu huu e doe, gai gilaadeu e ssala hogi au e daa gi magau.”

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Genesis 18:15

Gai Sarah ga hagassee ga hai ange, “E deai, au tee gadagada donu,” go hiidinga ia gu madagu. Aagai ia ga hai ange, “E deai, koe gu gadagada donu.”

Joshua 22:22

“De Maadua Mmahi Mmao laa, de Maadua, go Iahweh! De Maadua Mmahi Mmao laa, de Maadua, go Iahweh! Ia e iloo! Gai Israel gi iloo! Noo de mee nei ne hai baasi ange aabe se dee hai hegau i de mee abodonu ange gi Tagi Maolunga, gai daia donu gimaadeu gi maakau ailaa nei!

Psalm 94:11

Tagi Maolunga e iloo maanadu a tangada; ia e iloo bolo gilaadeu e bei dagodo o de madangi o de manava.

Psalm 139:2

Koe e iloo dogu noho gi lalo ma dogu hidi age; koe e donu ange gi agu maanadu e dee galemu dogu mmao gee.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”