Psalm 43:2 - De Beebaa Dabu

² Go koe de Maadua, gai go koe dogu mommee buibui makaga. Gai gu aha gu tili ai naa goe au? Ni haigamaiana aha dogu hano saele ma de daemaha ogu lodo i de hagaduasala a ogu hagadaumee au?

Psalm 43:2 Referans Kwoze

Psalm 42:9

Au e hai ange gi de Maadua dogu baba makaga, “Gu aha gu ngalo ai naa goe au? Ni haigamaiana aha dogu hano saele ma de daemaha ogu lodo, i de hagaduasala a ogu hagadaumee au?”

Psalm 28:7

Go Tagi Maolunga ogu mahi ma dagu mee hungihungi; au e hagadonu ia, gai au gu kave de bale i ono daha. Au gu malangilangi mmao, gai au e hagaahe ange de abodonu gi de ia i taahili.

Ephesians 6:10

Denga daina, aanei agu muna hagaodi, hagammahi ina goodou i mahi o Tagi Maolunga ma dono sauaa mmahi.

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Psalm 94:14

Tagi Maolunga e dee tili donu ono dangada, ia e dee tili donu ana dangada gu hili.

Psalm 44:9

Aagai koe ne tili gimaadeu ma de hagadookaa gimaadeu, koe tee hano madali omaadeu hagabuulinga hebagi.

Zechariah 10:12

Au e hai naa gilaadeu gi mmahi i de ingoo o Tagi Maolunga gai gilaadeu e seesee naa i dono ingoo,” go Tagi Maolunga e hagadaba.

Isaiah 45:24

Gilaadeu e hagataba naa, ‘Go Tagi Maolunga donu huu e heohi gai e mmahi.’ ” Gilaadeu alodahi e kino i de ia, e loomai naa gi de ia, gilaadeu gu dookaa naa.

Psalm 140:7

Tagi Maolunga, go koe dogu Ia Aamua, gai go dogu Ia Hagaola mmahi. Koe e buibui dogu biho i de goobai i de laangi e hai ai de hebagi.

Psalm 77:7

“E aha, de Ia Aamua e tili naa gidaadeu ga hano ai? Ia gu dee ahe ange naa donu e abodonu mai?

Psalm 71:9

Koe gi dee dilia donu au i de masavaa oogu e madumadua ai, gai koe gi dee huli gee i de au i de masavaa oogu e baageaa ai.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Psalm 31:4

Hagauia de galauna alaadeu gu buulou ai au, i hiidinga go koe dogu buibui.

Psalm 42:10

Au gu kona mmao dogu mmae i de hagammae manava a ogu hagadaumee au, ma delaadeu hai mai gi de au i taiao ga boo ai, “I hee iai doo Maadua?”

Psalm 88:15

Mai i dogu gauligi gai au ne duasala ma de dai magau, au ne duu ange gi au mee hagamaatagu gai gu deai sagu tali.