Psalm 41:12 - De Beebaa Dabu

¹² Aagai go koe e balea mai au i hiidinga dogu hai hegau i de mee heohi, koe gu dugu au i mada luoo mada ga hano ai.

Psalm 41:12 Referans Kwoze

De Beebaa go Job 36:7

Ia e dee galo gee donu i gilaadeu e heohi; gai e hagannoho gilaadeu madali denga hodooligi i honga duulanga maolunga, ma de hagaamua gilaadeu ga hano ai.

Psalm 37:17

ssauaa o tangada baubau e odi naa, aagai Tagi Maolunga e bale ange gilaadeu e heohi.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

Psalm 63:8

Au e hagapigi adu gi de goe; gai doo lima madau e daohi au.

Psalm 34:15

Tagi Maolunga e dagitilo gilaadeu e heohi, gai luoono dalinga e hagallongo alaadeu dangidangi.

Psalm 25:21

De hai hegau i de mee abodonu ma de heohi gi buibuia ngau, i hiidinga go koe dagu tali hagalodolodo.

Psalm 94:18

Au ne maanadu, “Dogu vae ne sege,” gai doo abodonu, Tagi Maolunga, ne daohi au gi dee baguu.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Psalm 30:2

Tagi Maolunga dogu Maadua, au ne dangidangi adu koe gi balea mai au, gai koe ne hagaieiangi au.