Psalm 39:6 - De Beebaa Dabu

⁶ Ni muna abodonu, tangada e seesee saele bei dagodo o dahi goohunga; ni muna abodonu, ana hegau e deai donu haigamaiana; ia e hagabudu goloa lagolago, gai ia e dee iloo be goai e mee ai.

Psalm 39:6 Referans Kwoze

Ecclesiastes 2:26

Gai de Maadua e gaavange gi tangada e hagamalangilangi ina ia de heiangi, ma de iloo mee aama de malangilangi; aagai ia e hai tangada haisala gi hagabudulia ma de doange dono lava, e gaavange gi tangada e haia mee o de Maadua e lodo ai. De mee nei e deai hogi ono haigamaiana, gai e bei de ngadi doolohi a tangada de madangi.

James 4:14

Gai goodou e dee iloo donu be ni aha e hai daiao. Aahee dagodo o oodou mouli? Oodou mouli e bei dagodo o de mama o vai e hanage laa i dahi masavaa bodobodo gai e moolau donu de lilo.

1 Corinthians 7:31

gai gilaadeu e hagahai hegau ina goloa o henua i lalo, gi hai hegau bei gilaadeu e dee haia mee nei. Go hiidinga henua i lalo nei e odi naa donu.

Ecclesiastes 12:13

Gidaadeu gu langona mee alodahi; gai aanei muna hagaodi: koe gi madagu i de Maadua ma de daohi ana hainga; deenei donu de hegau laumalie a tangada e hai.

Ecclesiastes 5:14

aabe de lava ne ngadi odi laa i dahi hai ngadaa, gai noo gu dahi ana dama daane, gai gu deai donu ana mee e doe ange gi de ia.

1 Peter 5:7

Gaavange mee alodahi oodou e manavasaa ai ia gi hagauda ina, i hiidinga ia e tilo danuaa adu goodou.

Luke 12:29

Gai goodou gi dee saalaa donu oodou mee e gai ma de unu, aabe gi manavasaa oodou lodo i mee nei.

Isaiah 55:2

Gu aha gu moumou ai oodou sseene i mee e dee ni gai, ma de moumou oodou mahi i mee oodou e dee boobosu ai? Nnoho mai hagalaangona agu muna, ma de gai mee danuaa, gi malangilangi ai goodou i denga gai mammami.

Ecclesiastes 12:8

Tangada Agoago e hagadaba, “E deai haigamaiana! E deai haigamaiana! Mee alodahi e deai donu haigamaiana!”

Ecclesiastes 2:8

Au ne hagabudu hogi denga selevaa ma goolo lagolago, ma goloa hagamogomogo o denga hodooligi ma denga vaaenga. E hanu hogi ogu daane ma haahine daahili, ma ogu bodu laa daha, go mee o taane e lodo ai.

Ecclesiastes 1:14

Au gu gidee mee alodahi gu hai i lalo de laa; tilo, mee alodahi e deai donu olaadeu haigamaiana, gai e bei de ngadi doolohi a tangada de madangi.

Proverbs 13:22

Tangada danuaa e bolo ange dahi mee gi ono mogobuna, aagai de lava o tangada baubau e doange moo tangada heohi.

Psalm 127:2

E deai haigamaiana doo oho age i taiao, ma de ala i de boo, ga hai hegau ange gi denga mee gai, go hiidinga de Maadua e gaavange mee nei gi dangada oona e aloha ai i delaadeu sseni.

1 Peter 1:24

go hiidinga, “Dangada alodahi e bei dagodo o denga helii, olaadeu mahamaha alodahi e bei huaala o denga helii; denga helii e mmae, gai denga huaala e malili,

James 5:3

Oodou goolo ma selevaa gu hongagelegele baalanga, gai de hongagelegele baalanga ina o mee nei e hagabaubau donu goodou, ma de oha oodou angaanga bei de ahi. Goodou gu hagabudu donu oodou goloa e hagadabena ange gi denga laangi hagaodi.

Proverbs 27:24

go hiidinga de lava e dee maua gi dagodo ga hano ai, gai dahi nohoanga hodooligi e dee maua hogi gi dagodo i denga atangada alodahi.

Proverbs 23:5

De masavaa donu huu aau e gidee ai, gai gu dee maaleva, go hiidinga mee nei e llele ga hulo, bei de igele e lele laa ga hano gi lo te moana i lunga.

De Beebaa go Job 7:7

De Maadua, manadua bolo dogu mouli e bei de madangi o de manava, au e dee ahe ange naa donu e malangilangi.

De Beebaa go Job 7:16

Au e kino i dogu mouli; au e dee mouli ga hano ai. Aude hakoso ina au; dogu mouli e bei de madangi.

De Beebaa go Job 14:1

Tangada e haanau laa i daho de hine e sogoisi ono laangi e mouli ai, gai e honu i de hai ngadaa.

Psalm 89:48

Goai tangada e dee duu ange gi de magau? Gai goai e maua gi ola mai i ssauaa o de magau? Selah

Psalm 144:4

Tangada e bei de madangi o de manava; ono laangi e mouli ai e bei de goohunga e ngalue laa.

Ecclesiastes 11:10

Deenei ai, haia koe gi dee manavasaa, gai doo angaanga gi deai mee e mmae ai, go hiidinga de masavaa oou e mmahi ai e deai donu ono haigamaiana.

Luke 12:26

Noo goodou e dee maua i de hai de mee damaa mee nei, gai gu aha gu manavasaa ai naa oodou lodo i mee ange laa?