Psalm 37:39 - De Beebaa Dabu

³⁹ De hagaola o de gau heohi e humai i daho Tagi Maolunga; gai go ia delaadeu mommee buibui makaga i de masavaa hai ngadaa.

Psalm 37:39 Referans Kwoze

Psalm 9:9

Tagi Maolunga se mommee buibui makaga niiolaadeu e duasala, gai se mommee buibui makaga i de masavaa hai ngadaa.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Psalm 3:8

Tagi Maolunga e maua i de hagaola; gai hagamanuuia ina oo dangada! Selah

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Ephesians 2:8

Go hiidinga o dono abodonu oodou ne hagamouli i de gai. Gai e dee go hiidinga o oodou hegau, aagai se mee ngadi gaamai nii de Maadua,

Colossians 1:11

Gai goodou gi mmahi i mahi alodahi, bei dagodo o ono mahi, gi maua ai e goodou i de llodo mmahi ma de golomagi lodo aama de malangilangi,

Jonah 2:9

Aagai au e hagaahe adu donu de abodonu ma de ssigidaumaha adu gi de goe. Au e hai naa donu gi bei agu mee gu hagatoo donu ai. De hagaola se mee mai i daho Tagi Maolunga.”

Isaiah 33:2

Tagi Maolunga, koe gi abodonu mai gi gimaadeu; gimaadeu e tali adu donu huu goe. Go koe omaadeu mmahi i daiao alodahi, ma demaadeu hagaola i de masavaa omaadeu e hai ngadaa ai.

1 Chronicles 5:20

Gai gilaadeu ne kave dahi bale ga hagadee kii de gau Hagar, ma henua alodahi ne hagabuni ange laa gi Hagar, go hiidinga gilaadeu ne dalodalo ange gi de Maadua i de masavaa o de hebagi, gai ia ne basa ange gi delaadeu dangidangi, i hiidinga gilaadeu ne hagadonu ia.

2 Chronicles 32:22

Gai Tagi Maolunga ne hagaola Hezekiah ma dangada o Jerusalem, mai i de hodooligi o Assyria go Sennacherib, ma mai i denga hagadaumee alodahi, gai ia ne hai gilaadeu gi nnoho paba.

Psalm 9:10

Gilaadeu e iloo doo ingoo e hagadonusia goe; Tagi Maolunga, koe tee tili donu gilaadeu e saalaa goe.

Psalm 28:7

Go Tagi Maolunga ogu mahi ma dagu mee hungihungi; au e hagadonu ia, gai au gu kave de bale i ono daha. Au gu malangilangi mmao, gai au e hagaahe ange de abodonu gi de ia i taahili.

Psalm 34:20

Ia e buibui ono ivi alodahi; gai e deai naa donu se ivi daudahi e hadi.

Psalm 46:2

Deelaa ai, gimaadeu e dee maatagu donu, e dee galemu donu de ngalue o de henua, gai denga mounga e tili ange gi lo te moana,

Psalm 62:2

Go ia donu huu dogu baba makaga ma dogu hagaola; go ia dogu mommee buibui makaga; au e dee ngalungalue donu.

Proverbs 11:8

Tangada heohi e ola mai naa i de hai ngadaa, aagai tangada baubau e duu ange naa donu aagena.

Jeremiah 15:20

Au e hai naa goe gi bei de bae makaga ange gi de huaadangada nei, gai se bae bronze makaga; gilaadeu e hebagi adu naa gi de goe aagai gilaadeu e dee maua gi kii i de goe, go hiidinga au madali goe e buibui ma de hagaola goe, go Tagi Maolunga e hagadaba.

Daniel 3:17

Gai noo deenei tagodo, gai de Maadua omaadeu e daumaha ange nei aagena e maua donu i de hagaola gimaadeu mai i de ahi ula mmahi, gai ia e hagaola naa donu gimaadeu mai i doo sauaa, de hodooligi.