Psalm 37:22 - De Beebaa Dabu

²² Gilaadeu a Tagi Maolunga e hagamanuuia e henua naa i de henua, aagai gilaadeu aana e hagamalaia e gaavee gee naa donu.

Psalm 37:22 Referans Kwoze

Proverbs 3:33

Tagi Maolunga e hagamalaia de hale o tangada baubau, aagai e hagamanuuia de mommee noho o tangada heohi.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Psalm 37:9

De gau baubau e llilo naa donu, aagai gilaadeu e tali hagalodolodo ange gi Tagi Maolunga e henua naa i de henua.

Galatians 3:10

Gai dangada alodahi e tali hagalodolodo ange gi hegau o de hainga gu hagamalaia donu; go hiidinga gu sisi e hai ange, “E malaia dangada alodahi e dee daohia mee alodahi gu sisi i de Beebaa o de hainga ga daudali ai.”

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Psalm 128:1

E manuuia gilaadeu alodahi e maatagu i Tagi Maolunga, ma de seesee i ono haiava.

Psalm 119:21

Koe e hagasee de gau hagamaolunga, go gilaadeu gu maalaia, gilaadeu ni dangada gu hulo gee i au hainga.

Psalm 115:15

Tagi Maolunga gi hagamanuuia ina goodou, go de ia ne haia de langi ma henua i lalo.

Psalm 37:28

Tagi Maolunga e lodo i de hagamodu muna heohi; gai e dee tili donu ono dangada e hai hegau laa i de muna abodonu. Ia e buibui gilaadeu ga hano ai, aagai hagadiilinga o tangada baubau e llilo naa donu.

Psalm 37:18

Tagi Maolunga e iloo laangi o olaadeu e dee haisala, gai delaadeu boolonga e dagodo ga hano ai.

Psalm 37:11

Aagai gilaadeu e daudonu e henua naa i de henua, ma de malangilangi i de nnoho paba.

Psalm 32:1

E manuuia tangada a de Maadua gu degi ange gi ono haisala, gai ono haisala gu haoli.

De Beebaa go Job 5:3

Au gu gidee bolo tangada lodo senga e hagadagadaga age, aagai e moolau donu dono duu ange gi de hai ngadaa.

Deuteronomy 5:33

Goodou daudali i muna alodahi a Tagi Maolunga doodou Maadua gu tala adu gi goodou, gi mouli ai goodou ma de nnoho paba, gai gi daulooloa ai doodou nnoho i honga de henua oodou ga hulo naa e kave.

Psalm 25:13

Tangada bee nei e hagadagadaga age i laangi alodahi, gai dono aamuli e henua naa i de henua.

Isaiah 57:13

Gai de masavaa oodou e dangidangi ai i de bale, gai oodou hagabuulingaa diinonga gi hagaola ina goodou! De madangi e ili naa gilaadeu alodahi ga kave gee, gai se damaa madangi naa donu huu e ilihia gilaadeu ga gaavee gee. Aagai tangada e buibui i ogu daha e henua naa i de henua, ma de kave dogu mounga dabu.