Psalm 37:18 - De Beebaa Dabu

¹⁸ Tagi Maolunga e iloo laangi o olaadeu e dee haisala, gai delaadeu boolonga e dagodo ga hano ai.

Psalm 37:18 Referans Kwoze

Psalm 1:6

Gai Tagi Maolunga e dagitilo haiava o olaadeu e heohi, aagai haiava o de gau baubau e duu ange donu gi de magau.

Romans 6:23

Gai de hagaoanga o de haisala go de magau, gai de mee ngadi gaavange a de Maadua go de mouli e dee ngado mai i lodo o Klisdo Iesu taadeu Dagi Maolunga.

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

Psalm 73:24

Koe e dagina huu au i au muna bale, gai muli mai gai koe ga hagaulu au i mommee mahamaha.

Psalm 49:5

Gu aha gu madagu ai au i de masavaa hai ngadaa, ma de masavaa o de gau baubau e duuli ai au —

Psalm 31:7

Au e lodo danuaa ma de malangilangi i doo lodo aloha, i hiidinga koe e gidee dogu hagaduasala ina, ma de donu ange gi de duasala ogu lodo,

1 John 2:25

Gai deenei dana mee gu hagatoo donu mai gi gidaadeu: go de mouli e dee ngado mai.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Matthew 6:32

Aanei mee a denga Gentile e hagaduu ngae ma e ssala, gai doodou Damana i de langi e iloo oodou mee alodahi e duasala ai.

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

Psalm 37:13

aagai de Ia Aamua e gadagada naa i tangada baubau, i hiidinga ia e iloo bolo e dae mai naa donu dono laangi.

Psalm 31:15

Go koe e daohia dogu mouli; hagaola ina mai au i ogu hagadaumee ma mai i gilaadeu e vaivai haia ngau!

Psalm 21:4

Ia ne dangidangi adu i de mouli, gai koe ga gaavange gi de ia, de mouli daulooloa ga hano ai e dee ngado mai.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Deuteronomy 33:25

Mee e hagamakaga ai oo haitoga e hai i iron ma bronze, oo mahi e duudagi naa donu huu i taulooloa doo mouli!

Proverbs 2:21

I hiidinga go gilaadeu e heohi e nnoho i honga de henua, gai go gilaadeu e dee haisala e doe ga nnoho i kilaa;