Psalm 36:7 - De Beebaa Dabu

⁷ De Maadua, e hagamogomogo mmao doo abodonu! Gai dangada e buibui i lalo de malu o luoo bakau.

Psalm 36:7 Referans Kwoze

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Psalm 91:4

Ia e haoli naa goe i lalo ono hulu manu ma de buibui goe i lalo luoono bakau; dono hai hegau i de muna abodonu go doo mee hungihungi ma doo buibui.

Ruth 2:12

Tagi Maolunga gi hagamanuuia ina goe i hiidinga au hegau gu hai, gai gi laumalie doo manuuia mai i daho Tagi Maolunga, go de Maadua o de gau Israel, oou gu humai naa gi ono daha gi buibuia goe i lalo de malu o luoono bakau.”

1 John 3:1

Ga dae laa de laumalie de aloha o Tamana i gidaadeu, i dana hagabinga bolo gidaadeu go dama a de Maadua! Gai aanei donu odaadeu dagodo. Deenei ai, henua i lalo e dee iloo gidaadeu, go hiidinga e dee iloo de Maadua.

Psalm 139:17

De Maadua, au e hagamogomogo mmao au maanadu! Gai e kona mmao de lagolago!

Psalm 31:19

Ga dae laa de laumalie doo abodonu, gu hagadabena ange gi gilaadeu e maatagu i de goe, ma de abodonu ange gi gilaadeu e haia goe go delaadeu buibui i madamada o dangada!

Psalm 17:8

Buibuia mai au bei dagodo o tama legalega eidu o doo ganomada, ma de hagammuni au i lalo de malu o luoo bakau,

Exodus 34:6

Gai Tagi Maolunga ne hano gi mada i mua o Moses, ga hagadaba, “Tagi Maolunga, Tagi Maolunga, de Maadua e lodo aloha ma de degi, e dee moolau de lili, gai e honu i de aloha aama de hai hegau i de muna abodonu,

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Psalm 63:7

I hiidinga go koe dogu bale, au e daahili naa ma de malangilangi i lalo de malu o luoo bakau.

2 Peter 1:4

i dana gaamai gi gidaadeu denga hagatoo donu hagamogomogo ma de maolunga mmao, gi maua ai e goodou i de kave de dabu o de Maadua, gai goodou gu ola mai i hegau hakino gee o henua i lalo, i hiidinga o denga lodo dee heohi.

Psalm 57:1

De Maadua, lodo aloha mai gi de au, lodo aloha mai gi de au, go koe dogu buibui; au e ssala dogu buibui i lalo de malu o luoo bakau, ga dae ai gi de sili de madangi mmahi.

Luke 13:34

Jerusalem, Jerusalem, de aduhale ne daia ga maakau denga pelaabisi ma de maga i hadu gilaadeu ne hai gi loomai gi de aduhale! Gu dee modu dogu lodo e hagabudu au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

De Beebaa go Job 37:23

De Ia Mmahi Mmao laa — gidaadeu e dee maua gi gidee ia; ia e mmahi mmao; ia e dee hagahaisala dana hagamodu muna heohi; ia e heohi mmao, gai e dee hagaduasala gidaadeu.

Psalm 71:19

De Maadua, doo heohi e hano ga dae gi lo te langi, go koe donu huu e haia denga hegau nnui, de Maadua, e deai ange donu e bei oo dagodo.