Psalm 36:4 - De Beebaa Dabu

⁴ Ia e hai donu hogi denga hagatau baubau i honga dono moenga; ia e hagababa ange ia gi dahi haiava e dee danuaa; gai ia e dee kino donu i de baubau.

Psalm 36:4 Referans Kwoze

Micah 2:1

E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

Proverbs 4:16

Go hiidinga gilaadeu e dee sseni naa donu ga dae ai gi delaadeu hai de baubau; gilaadeu e dee maua gi sseni ga dae ai gi delaadeu hai dahi dangada ga haisala.

Romans 12:9

Oodou aaloha gi se mee abodonu; goodou kino i de baubau, gai daohia de mee danuaa.

Isaiah 65:2

Au ne haalo ange luoogu lima mai i taiao ga boo ai, gi dahi huaadangada e makaga olaadeu lodo, gai ni dangada e seesee i denga haiava dee danuaa, ma de daudali i alaadeu maanadu donu huu.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.

Psalm 97:10

Dangada e aaloha laa i Tagi Maolunga gi kino i de baubau; ia e buibui mouli o ono dangada dabu, ma de hagaola gilaadeu mai i de gau baubau.

Romans 1:32

Gai e dee galemu donu delaadeu iloo dagodo o de hagamodu heohi a de Maadua, bolo dangada e haia hegau bee nei e maakau donu, gai gilaadeu e dee duudagi donu huu de hai mee nei, aagai gilaadeu e malangilangi donu hogi i dangada e haia mee nei.

Acts 23:12

Taiao age, gai de gau Ssuu ne hai dahi hagatoo donu, bolo gilaadeu e dee gaimee aabe unu ga dae ai gi delaadeu daa a Paul gi magau.

Matthew 27:1

Taiao age, gai de gau haimeedabu maolunga alodahi ma denga dagi ne hagabuni ga hagasaele delaadeu hai e daa ai Iesu gi magau.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Amos 5:15

Goodou kino i de baubau, gai llodo i tanuaa, hai hegau i de hagamodu heohi i de haitoga o de aduhale. Kana adu Tagi Maolunga, de Maadua o denga hagabuulinga hebagi, e abodonu ange naa gi dangada o Joseph e doe.

Jeremiah 8:6

Au gu noho donu ma gu hagallongo, aagai gilaadeu e dee tala de mee heohi. Gai gu deai donu se dangada e dahuli gee i ono baubau ga hagadaba, ‘Se aha aagu gu hai nei?’ Dahi ma dahi e hai donu huu ono mee e lodo ai, bei de hoosa e savini laa e hano gi de hebagi.

Jeremiah 6:16

E hagadaba Tagi Maolunga, “Goodou tuu i sugusuguinga o denga haiava diiloo ai, gai ssili be i hee denga haiava madagidagi, ma de ssili be i hee de haiava danuaa, gai goodou ga seesee i ono lodo, gi maua ai e oodou hagasaalunga i de hagamaabunga. Aagai goodou e hagataba, ‘Gimaadeu e dee seesee donu i de haiava laa.’

Proverbs 24:23

Aanei ange hanu muna a de gau heiangi. E dee se mee danuaa de hilihili dangada i de masavaa e hagamodu ai muna.

Psalm 52:3

Koe e kii ange de baubau doo lodo ai i tanuaa, gai e kii ange de hadu muna doo lodo ai i de muna abodonu. Selah

Psalm 38:12

Gilaadeu e llodo e daa au gi magau gu dugu alaadeu sele, gilaadeu e hagatau delaadeu hai e hagalagohia ai au; gilaadeu e hagatau delaadeu hai e daahanga ai dangada mai i taiao ga boo ai.

De Beebaa go Job 15:16

gai tangada hakino gee ma de haisala e kii mai ange donu, ia se dangada e unumia tee heohi bei denga vai!

Esther 6:4

Gai de hodooligi ne ssili, “Goai i lo te buibui?” De masavaa laa gai Haman se goodo ulu mai donu huu, gi lo te mommee e mua gi daha i de hale o de hodooligi, e basa ange ai gi de hodooligi, i de daudau o Mordecai i honga de laagau aana gu hagadabena ange laa gi de ia.

Esther 5:14

Gai dono bodu go Zeresh ma ono soa alodahi ne hai ange gi de ia, “Hagaduulia dahi laagau gi madalima sugilima de maolunga, gai koe ga hai ange gi de hodooligi daiao gi daudaulia ai Mordecai. Gai koe ga hano madali de hodooligi gi taonga ma de malangilangi.” Gai Haman gu malangilangi i muna laa, ga hai gilaadeu gi hagaduulia dahi laagau daudau.

1 Samuel 19:11

De boo laa gai a Saul ne kave hanu daane gi de hale o David gi dagidiiloo ai gi daia ia gi magau i taiao age. Gai Michal, de bodu o David ga hai ange gi de ia, “Noo koe e dee hano e mmuni aaboo nei, gai koe e daa naa gi magau daiao.”

Proverbs 24:2

go hiidinga gilaadeu e hagatau de hai e vaivai hai ai dangada, ma de pasa i delaadeu hai e hagahai ngadaa ai dangada.

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”