Psalm 35:25 - De Beebaa Dabu

²⁵ Koe gi dee dugua ange gilaadeu gi hagataba, “Gu vakaa loo, gu tae donu omaadeu lodo!” Koe gi dee dugua ange gilaadeu gi hagataba, “Gimaadeu gu hai ia gi dee sula age.”

Psalm 35:25 Referans Kwoze

Lamentations 2:16

Oo hagadaumee alodahi e hai baasi adu naa gi de goe i alaadeu muna; gilaadeu e hagavogivogi, ma de kadi adu olaadeu gauvae gi de goe, gilaadeu ne hagataba, “Gimaadeu gu oha de aduhale laa! Deenei donu demaadeu laangi nogo tali laa, gai iainei gu dae mai ma gu gidee e gimaadeu!”

Psalm 124:3

ma de masavaa ne kona ai delaadeu llili i gimaadeu, gai gilaadeu ne odi donu i de maakau;

1 Corinthians 15:54

De masavaa naa huu e sui ai de angaanga bobo nei ga se angaanga e dee bobo, gai de angaanga magau nei e hai gi se angaanga e dee magau, gai gi hagassula ai muna e sisi laa e hai ange: “De magau gu hai ma gu lilo i de hagadee kii ina!”

Mark 2:8

De masavaa laa donu huu gai Iesu gu iloo e ia alaadeu maanadu, gai ia ga hai ange gi gilaadeu, “Gu aha goodou gu maanadu ai naa mee naa i oodou lodo?

Mark 2:6

Gai e hanu dangada sisi e nnoho laa i kilaa ne hagataba i olaadeu lodo,

Matthew 27:43

Ia e gai ange gi de Maadua. De Maadua gi hagaola ina ia iainei, noo ia e lodo, i hiidinga ia gu hagadaba, ‘Go au Tama Daane a de Maadua.’ ”

Psalm 140:8

Tagi Maolunga, aude dugua ange gi bei lodo o tangada baubau; aude dugua ange gi ssula ana hagatau baubau! Selah

Psalm 74:8

Gilaadeu gu hagataba i olaadeu lodo, “Gidaadeu ga hagadee kii gilaadeu;” gilaadeu gu dudu mommee alodahi e daumaha ange ai gi de Maadua i de henua.

Psalm 57:3

Ia e basa mai i de langi ga hagaola mai au, ia e hagadogaa tangada e hagamaolunga i de au. Selah De Maadua e hagaago mai dono abodonu ma dono hai hegau i de muna abodonu.

Psalm 28:3

Aude gaavee gee au madali de gau baubau, ma gilaadeu e haia de baubau; go gilaadeu e pasa danuaa ange gi dangada ange laa, aagai olaadeu lodo go de baubau donu huu iai.

Psalm 27:12

Koe gi dee dugua ange ogu hagadaumee gi haia mai gi de au olaadeu mee e llodo ai; go hiidinga de gau hadu muna gu hai baasi mai gi de au, gilaadeu gu nnoho e vaivai hai au.

De Beebaa go Job 1:5

Gai de masavaa huu e odi ai laangi olaadeu e daonga ai, gai a Job ga aalu gilaadeu ga gaamai ga hagagilimalali. Gai ia ne oho age i boo taiao ga hai dagidahi sigidaumaha dudu ange gi gilaadeu. Go hiidinga ia ne hagadaba, “Kana adu agu dama ne haisala ma de pasa baubau i de Maadua i olaadeu lodo.” Aanei hegau a Job e hai i laangi alodahi.

2 Samuel 20:19

Au se hine madali gilaadeu e llodo i de nnoho paba ma de hai hegau i de muna abodonu i Israel; goodou gu loomai e oha dahi aduhale hagamogomogo i Israel. Gai gu aha goodou gu llodo ai naa e oha de boolonga o Tagi Maolunga?”

Exodus 15:9

De hagadaumee ne hagadaba, ‘Au e doolohi naa ga daea adu gilaadeu, au e dae naa ogu lodo i de duha olaadeu goloa. Au e dada naa dagu gadilaasa ga daa ai gilaadeu gi maakau.’

Psalm 70:3

Haia gi aahe dua ma de dookaa gilaadeu e hai mai gi de au, “Gu vakaa loo! Gu vakaa loo!”