Psalm 35:10 - De Beebaa Dabu

¹⁰ Au e hagadaba naa i ogu lodo alodahi, “Tagi Maolunga, goai e bei oo dagodo? Koe e hagaola tangada hagaau aloha mai i tangada e mmahi ange i de ia, gai tangada hagaau aloha ma de duasala i gilaadeu e gaiaadia alaadeu mee.”

Psalm 35:10 Referans Kwoze

Psalm 140:12

Au e iloo bolo Tagi Maolunga e tala hagadonu dagodo o de gau hagaau aloha, ma de hagamodu olaadeu muna olaadeu e duasala i de heohi.

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Psalm 109:31

Ia e duu i de madau e bale ange ai tangada hagaaloha, e hagamouli ia mai i gilaadeu gu gaavange ia e daa gi magau.

Psalm 86:8

Dogu Ia Aamua, e deai ange donu i magavaa o denga maadua e bei oo dagodo, e deai ange hogi hegau e bei dagodo o au hegau.

Psalm 71:19

De Maadua, doo heohi e hano ga dae gi lo te langi, go koe donu huu e haia denga hegau nnui, de Maadua, e deai ange donu e bei oo dagodo.

Psalm 51:8

Haia gi malangilangi au ma de lodo danuaa; koe gu hadihadi ogu ivi, haia gi ahe ange au gi malangilangi.

Psalm 18:17

Ia ne hagaola mai au i dogu hagadaumee mmahi, ma mai i gilaadeu e kino i de au, go hiidinga gilaadeu e mmahi ange i de au.

Psalm 38:3

Gu deai donu mahi i lo togu angaanga, i hiidinga koe gu bole; au gu kona mmao dogu magi i hiidinga o ogu haisala.

Psalm 34:20

Ia e buibui ono ivi alodahi; gai e deai naa donu se ivi daudahi e hadi.

Psalm 32:3

De masavaa aagu ne hagammuni ai ogu haisala, gai dogu angaanga gu hagadaga mai gai au e manava i lunga mai i taiao ga boo ai.

Psalm 22:14

Au gu bei denga vai gu llingi laa, ogu ivi alodahi gu ngaalue; ogu lodo gu bei dagodo o de candle, gu odi laa i de vaivai.

Psalm 10:14

Aagai koe, de Maadua, e gidee de hai ngadaa ma de lili o tangada; koe gi suuia ange mee nei i doo lima. Go koe de tali hagalodolodo a tangada hagaaloha, go koe e balea ange denga gauligi gu deai olaadeu damana.

Isaiah 40:25

“Gai goai oodou e hagahedae ange au aagena? Aabe goai e bei ogu dagodo?” go de Ia Dabu e hagadaba.

Isaiah 40:18

Gai goai oodou e hagahedae ange de Maadua aagena? Gai goai oodou e hagadulagi ange ia aagena?

Psalm 102:3

Dogu mouli e moolau de odi bei dagodo o de useahi, gai ogu ivi e vvela bei dagodo o de ahi.

Psalm 69:33

I hiidinga Tagi Maolunga e hagallongo talodalo a tangada e duasala, gai ia e dee ngalo ono dangada e nnoho i lo te hale pono.

Psalm 37:14

De gau baubau e unusi de gadilaasa ma de dada alaadeu mee hholu, e daa ai tangada hagaau aloha ma de duasala, ma de daa gilaadeu e heohi olaadeu dagodo.

Psalm 34:6

Tangada hagaaloha nei ne dangi, gai Tagi Maolunga gu langona dana dangi, ga hagaola ia mai i ono hai ngadaa alodahi.

Psalm 22:24

Go hiidinga ia tee hagangadi mee be tee anga ange gi de hagaduasala ina o tangada; ia tee hagammuni luoono mada i de ia, aagai ne hagallongo dono dangidangi ange i de bale.

Jeremiah 10:7

De Hodooligi o denga huaahenua, goai e dee madagu i de goe? Deenei de mee e heohi de hai adu gi de goe. Gai e deai donu e bei oo dagodo, i magavaa o de gau heiangi alodahi o denga huaahenua, ma olaadeu nohoanga hodooligi alodahi.

2 Samuel 22:18

Ia ne hagaola mai au i dogu hagadaumee mmahi, ma mai i gilaadeu e kino i de au, go hiidinga gilaadeu e mmahi ange i de au.

Psalm 51:10

De Maadua, hagagilimalali ina ogu lodo, gai hagahoou ina de hagasaalunga heohi i ogu lodo.

Psalm 103:6

Tagi Maolunga e hai hegau i de heohi ma de hagamodu muna o dangada alodahi e vaivai haia.

Psalm 140:13

Ni muna abodonu, gilaadeu e heohi e tuhi naa doo ingoo; gilaadeu e nnoho naa i mada luoo mada.

Psalm 146:7

Ia e hagamodu muna o olaadeu e vaivai haia i de heohi; ma de gaavange gai a dangada e hiikai. Tagi Maolunga e hagassao mai gilaadeu i lo te hale pono;

Jeremiah 20:13

Daahili ange gi Tagi Maolunga! Duuhia Tagi Maolunga! Ia e hagaola gilaadeu e duasala mai i ssauaa o de gau baubau.