Psalm 34:4 - De Beebaa Dabu

⁴ Au ne ssala Tagi Maolunga, gai ia ne basa mai gi de au; ia ne hagaola mai au i mee alodahi oogu e madagu ai.

Psalm 34:4 Referans Kwoze

Psalm 18:6

Au ne hagahi Tagi Maolunga i dogu duasala; au ne dangi ange gi dogu Maadua i de bale. Ia ne langona mai dogu leo i dono temple, gai dagu dangi gu dae ange ai gi luoono dalinga.

Matthew 7:7

“Dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

Psalm 56:3

De masavaa oogu e madagu ai, gai au e hagadonusia goe.

2 Timothy 1:7

go hiidinga de Maadua tee gaamai gi gidaadeu de hagasaalunga o de madagu, aagai go de hagasaalunga iai ssauaa ma de aloha, aama de maanetonu.

Jonah 2:2

ga hai ange, “Au ne dangidangi ange gi Tagi Maolunga i dogu hai ngadaa, gai ia ne basa mai gi dagu dangidangi; au ne hagahi ange ia mai i tagelo o de mommee o de gau maakau, gai koe ne hagallongo dagu dangidangi.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Psalm 31:22

Au ne hagadaba i de manavasaa ogu lodo, “Au gu aau gee mai i mada luoo mada!” Aagai koe ne langona dagu dangidangi i de masavaa aagu ne hagahi adu ai goe gi balea mai au.

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Luke 11:9

Gai au e hai adu gi goodou: dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

Psalm 22:24

Go hiidinga ia tee hagangadi mee be tee anga ange gi de hagaduasala ina o tangada; ia tee hagammuni luoono mada i de ia, aagai ne hagallongo dono dangidangi ange i de bale.

Psalm 46:2

Deelaa ai, gimaadeu e dee maatagu donu, e dee galemu donu de ngalue o de henua, gai denga mounga e tili ange gi lo te moana,

2 Chronicles 15:2

gai ia ne hano ga hedae ange gi Asa, ga hai ange gi de ia, “Asa, ma denga daane alodahi o Judah ma Benjamin, goodou hagalaangona agu muna. Tagi Maolunga e noho madali goodou, noo goodou e nnoho madali ia. Noo goodou e ssala ia, gai goodou e gidee naa donu ia, aagai noo goodou e tili ia, gai ia e tili naa hogi goodou.

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

Psalm 35:27

Haia gi hevaalogi i de malangilangi ma de llodo danuaa, gilaadeu e llodo danuaa i dogu hagaheohi; gai gilaadeu gi hagataba i masavaa alodahi, “Hagaamua ina Tagi Maolunga, go de ia e malangilangi i de duadonu o dono dangada hai hegau.”

Psalm 40:17

Gai ogu dagodo, au se dangada hagaau aloha ma de duasala; gai de Ia Aamua gi manadua mai au. Go koe dogu bale aama dogu Ia Hagaola; dogu Maadua, koe gi dee hagammule mai!