Psalm 33:6 - De Beebaa Dabu

⁶ Tagi Maolunga ne tala de muna, gai gu hai de langi, gai mee alodahi iai ne hai i de madangi ne busi mai i lo tono ngudu.

Psalm 33:6 Referans Kwoze

Hebrews 11:3

Go de gai adaadeu ne maua ai i de tonu ange, bolo de langi ma henua i lalo ne hai i muna a de Maadua ne tala, gai mee adaadeu e gidee ne hai i mee e dee gidee laa.

2 Peter 3:5

Aagai gilaadeu gu ngalo donu bolo madagidagi gai de Maadua ne basa ga hai ai de langi, gai henua i lalo ne hai i lo te vai.

De Beebaa go Job 33:4

De Hagasaalunga o de Maadua ne hai au, gai de madangi o de manava o de Ia Mmahi Mmao laa ne hai au gi mouli.

Psalm 33:9

Go hiidinga ia ne basa, gai gu hai ga bei; ia ne tala de muna, gai gu hanu mee.

Genesis 2:1

Gai de langi ma henua i lalo ma mee alodahi iai gu lava i de hai.

Genesis 2:7

Gai Tagi Maolunga go de Maadua ga hagaholi tangada mai i bela o de gelegele, gai ia ga busi ange de madangi o de mouli gi lodo luoono bongaa usu, gai taane laa gu se dangada e mouli.

John 20:22

Ga lava huu i dana tala muna nei, gai ia ga manava ange i olaadeu elunga, ga hai ange gi gilaadeu, “Goodou gaavee de Hagasaalunga Dabu.

Genesis 1:6

Gai de Maadua ga hagadaba, “Gi dahi moana i lo te langi gi vaaea ai denga vai i baasi i lunga ma baasi i lalo.”

De Beebaa go Job 26:13

Ia e manava gai gu laohie, gai dono lima e velo de labodo e tolo laa.

Genesis 6:7

Gai Tagi Maolunga ga hagadaba, “Au e hai naa gi odi i de maakau dangada aagu ne hai laa i de gelegele; go dangada alodahi ma manu dolodolo, ma manu e tolo i honga de gelegele, aama denga manu llele i lo te moana i lunga, i hiidinga au gu sivi i dagu hai gilaadeu.”

Romans 1:25

go hiidinga gilaadeu gu hagahesuihagi de mee abodonu a de Maadua i de muna hhadu, ma de daumaha ange gi mee ne hai laa i taamada, tee daumaha ange gi de ia ne haia mee alodahi, go de ia e heohi taadeu tuhi ga hano ai! Amen.

Psalm 104:30

De masavaa aau ne gaavange ai doo Hagasaalunga, gai gilaadeu gu mouli; gai koe e hagahoou honga de gelegele alodahi.

Genesis 1:1

Taamada de hai a de Maadua de langi ma henua i lalo,

Deuteronomy 4:19

Goodou kana ange hogi gi dee kalo age goodou gi lo te langi ga gidee de laa ma de maasina, aama denga heduu, go mee alodahi i lo te langi, gai goodou gu llodo e daumaha ange ma de hai hegau ange gi gilaadeu, go mee a Tagi Maolunga doodou Maadua gu gaavange gi dangada alodahi i henua i lalo.

Jeremiah 8:2

Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele.

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.