Psalm 32:6 - De Beebaa Dabu

⁶ Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

Psalm 32:6 Referans Kwoze

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

2 Corinthians 6:2

Gai ia e hagadaba, “Au ne hagallongo dau dangidangi i de masavaa heohi, gai au ne bale adu goe i de laangi o de hagamouli.” Tilo, de masavaa heohi go iainei; tilo, go iainei donu de laangi hagamouli.

John 7:34

Gai goodou e ssala naa au, gai goodou e dee maua gi gidee au. Gai de mommee oogu e hano ai goodou e dee maua i de loadu aagena.”

Proverbs 1:28

Gai gilaadeu e hagahi mai naa au, aagai au e dee basa ange naa donu; gilaadeu e hagammahi naa e ssala gi gidee au, aagai gilaadeu e dee gidee naa donu au.

Psalm 4:3

Goodou gi iloo bolo Tagi Maolunga e vvae tangada heohi gi se dangada niiona; Tagi Maolunga e hagallongo dagu dalodalo i de masavaa aagu e hagahi ange ai ia.

Psalm 144:7

Haalo ina mai doo lima i de mommee maolunga, daangia age au ma de hagaola mai au i lo te moana gelo, aama mai i ssauaa o de gau henua gee.

Psalm 42:7

De moana gelo e basa ange gi dahi moana gelo i de hadihadi o denga beau; gai au beau hadihadi alodahi gu hagaabulu au.

Psalm 40:3

Ia ne hai au gi daahili i dahi daahili hoou, se daahili e tuhi ai taadeu Maadua. Dangada soa e maatagu naa i delaadeu gidee, gai gilaadeu e hagadonusia naa Tagi Maolunga.

Titus 2:12

ma de agoago mai ai gidaadeu gi dilia hegau baubau ma lodo o henua i lalo, gai gi golomagi ina odaadeu lodo, ma de hai hegau i de heohi, aama de hai lodo o de Maadua i henua i lalo nei;

2 Corinthians 1:4

Ia ne hagaaneane gimaau i omaau daemaha alodahi, gi maua ai hogi e gimaau i de hagaaneane lodo o dangada e daemaha laa, bei de hai a de Maadua gu hagaaneane mai ai gimaau.

Isaiah 49:8

E hagadaba Tagi Maolunga: “Au e basa adu naa gi dau dangidangi i de masavaa danuaa, ma de bale adu goe i de laangi o de hagaola; au e hagaloosi naa goe ma de hai goe gi se hagatoo donu hagaheloongoi ange gi denga huaadangada, ma de hagaahe adu doo henua, ma de vaevae denga boolonga gu ngadi daakodo laa,

1 Timothy 1:16

Gai deenei de hiidinga aagu gu kave ai tegi nei, e hagaago mai ai i ogu daha de kona de golomagi lodo o Klisdo Iesu, gai de mee nei ne hagaago ange gi gilaadeu gu dai hagadonusia ia, gai gilaadeu ga kave ai de mouli e dee ngado mai, gai go au hugadoo e haisala i dangada.

Psalm 91:7

E mano naa dangada e maakau i oo gaogao, gai e dahisemada e maakau i doo baasi madau, aagai de magau e dee baa naa donu gi de goe.