Psalm 31:22 - De Beebaa Dabu

²² Au ne hagadaba i de manavasaa ogu lodo, “Au gu aau gee mai i mada luoo mada!” Aagai koe ne langona dagu dangidangi i de masavaa aagu ne hagahi adu ai goe gi balea mai au.

Psalm 31:22 Referans Kwoze

Psalm 116:11

Gai au ne hagadaba i dogu madagu, “Dangada alodahi ni dangada hadu muna.”

Ezekiel 37:11

Gai ia ne hai mai gi de au, “Tama a tangada, denga ivi nei e bei dagodo o de gau Israel. Tilo, gilaadeu e hagataba, ‘Omaadeu ivi gu mmasa gee, gai gu deai semaadeu tali. Gimaadeu gu maakau donu.’

Psalm 88:16

Koe ne haoli au i doo bole; au mee hagamaatagu gu hebagi mai gi de au.

Psalm 6:9

Tagi Maolunga e hagallongo dagu dalodalo, gai Tagi Maolunga e basa mai gi dagu dalodalo.

De Beebaa go Job 35:14

Gai e kii ange dana dee hagallongo i dau hagadaba bolo koe e dee gidee ia, gai koe e tali ia gi hagamodu ina au muna hagabaubau!

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Jonah 2:4

Gai au ne hagadaba, ‘Au gu aau gee mai i mada luoo mada; aagai au e ahe ange naa ga gidee doo temple dabu.’

Isaiah 49:14

Aagai Zion e hagadaba, “Tagi Maolunga gu tili au, gai de Ia Aamua gu ngalo donu au.”

Isaiah 6:5

Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

1 Samuel 23:26

Gai a Saul e hanadu i dahi baasi o de mounga, gai David ma ono daane i de baasi gee; gilaadeu ne hagamoolau e hulo gi mmao gee gilaadeu i a Saul. Gai a Saul ma ono daane hebagi gu dai daea adu donu e gilaadeu David ma ono daane,

Psalm 31:17

Tagi Maolunga, aude dugu ange gi hagadogaa ina ngau, i hiidinga au e dangi adu gi de goe; haia gi dookaa de gau baubau, gai gilaadeu gi dee mmuu gi hulo ai gi de mommee o de gau maakau.

1 Samuel 25:32

Gai David ga hai ange gi Abigail, “Au e tuhi Iahweh, de Maadua o Israel, go de ia ne haia goe gi humai gi hedae mai gi de au anailaa nei.

Psalm 17:7

Hagaagona mai gi de au doo aloha hagalele mouli; koe e hagaola i doo lima madau gilaadeu e loomai e buibui i oo daha, i hiidinga o olaadeu hagadaumee.

Psalm 66:20

Hagadegi ina de Maadua, i hiidinga ia tee hagangadi mee dagu dalodalo aabe tee abodonu mai gi de au!

Luke 11:10

Gai tangada e dangidangi e maua naa ana mee, tangada e saalaa e gidee ana mee, gai tangada e dugidugi e hhuge ange donu gi de ia.