Psalm 31:20 - De Beebaa Dabu

²⁰ Koe e hagammuni gilaadeu i mada luoo mada, mai i hagatau baubau a dangada; koe e buibui gilaadeu i doo mommee mai i dangada e hagabaubau ina gilaadeu.

Psalm 31:20 Referans Kwoze

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

Psalm 32:7

Go koe dogu mommee e mmuni ai, koe e buibui au i de hai ngadaa; ma de hai au gi daahili i taahili o de hagaola. Selah

De Beebaa go Job 5:21

Koe e buibuia naa i denga muna hagammae, gai koe e dee madagu donu i de masavaa o de hagaduasala e dae mai ai.

Psalm 140:5

De gau hagamaolunga gu dugu dahi sele e dada ai au; gilaadeu gu hhola delaadeu galauna i gaogao de haiava e dada ai au. Selah

Psalm 140:3

Olaadeu alelo e hagamaakau bei de alelo o de labodo hagammau, de mee hagammau i lodo olaadeu malaungudu. Selah

Psalm 40:4

E manuuia tangada e hagadonusia Tagi Maolunga, gai e dee ssala dono bale i daho de gau lodo maolunga, go gilaadeu e daudali ange i denga ngadi diinonga.

Psalm 10:2

Tangada lodo maolunga e doolohi tangada hagaau aloha; haia gi aahe ange alaadeu hegau baubau gi gilaadeu.

Exodus 18:11

Iainei au gu donu bolo Tagi Maolunga e maolunga ange i denga maadua ange laa alodahi, gai ia ne hai de mee nei i daho de gau Egypt, i hiidinga delaadeu hagamaolunga i de gau Israel.”

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Timothy 6:4

gai ia se dangada hagasoenga hagamaolunga ma teai donu ana mee e iloo. Ia se dangada e lodo e hagadau gaavange ma de hagadaumee i hagadoonunga o denga muna, go mee e hidi mai ai de hagadau llodo gaiaa, ma de hagadau kino, ma de hagadau hagabaubau, ma de hagadau dee hagadonu,

Psalm 36:11

Koe gi dee dugua ange de vae o tangada hagamaolunga gi hai baasi mai gi de au, aabe gi dugua ange de lima o tangada baubau gi alualumia hogi au gi hano gee.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Psalm 124:5

gai de mee mmilo mmahi ne momo ange huu gu kave gee gimaadeu.

Galatians 5:20

ma de daumaha ange gi denga diinonga, ma de hai huuhuaa mee, ma de hagadau kino, ma de hagadau hebagi, ma de lodo gaiaa, ma de lili, ma tee anga ange gi dangada, ma tee buni, ma de hagadau hai baasi,

Psalm 86:14

De Maadua, de gau hagamaolunga gu hebagi mai gi de au; dahi hagabuulinga daa dangada e ssala hogi au e daa gi magau, gilaadeu e dee anga adu donu gi de goe.

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 36:6

Doo heohi e bei denga mounga maolunga; dau hagamodu muna e bei de moana gelo. Tagi Maolunga, koe e tilo danuaa ange dangada ma manu.

Psalm 36:8

Gilaadeu e gaimee i mee lagolago i doo hale; koe e hai gilaadeu gi unu i dau saalingaa vai iai laa de malangilangi.

Psalm 57:11

De Maadua, doo hagaamua e maolunga ange i de langi, gai doo mahamaha gi dagodo i henua i lalo alodahi!

Psalm 103:8

Tagi Maolunga e lodo aloha ma de degi, ia e dee moolau dono lili, gai e abodonu mmao.

Psalm 103:11

Gai dono lodo aloha ange gi gilaadeu e maatagu i de ia, e bei de mmao o de langi mai i henua i lalo.

Psalm 119:124

Koe gi hai hegau ange gi doo dangada hai hegau bei dagodo o doo abodonu, gai agoagona mai au i au hainga gu hagasauaa!