Psalm 30:3 - De Beebaa Dabu

³ Tagi Maolunga, koe gu hagaahe mai au i de magau; koe ne hai gi dee hano au gi de mommee o de gau maakau.

Psalm 30:3 Referans Kwoze

Psalm 86:13

Go hiidinga oo abodonu mai gi de au e laumalie mmao; koe gu hagaola mai au i lo te mommee gelo iai de gau maakau.

Psalm 28:1

Tagi Maolunga, au e hagahi goe; go koe dogu baba makaga, aude bonodia luoo dalinga i de au. Noo koe e dee muu mai, gai au e bei donu dangada gu hulo laa gi de mommee o de gau maakau.

Psalm 16:10

Go hiidinga koe e dee tili donu au i de mommee o de gau maakau, aabe dugu ange dau ia dabu gi gidee de geelonga laa.

Psalm 116:8

Koe gu hagaola dogu mouli mai i de magau, ma de ssolo loimada i luoogu mada, aama de daohi luoogu vae gi dee baguu ai au.

Psalm 71:20

Koe ne hai gi gidee e au denga hai ngadaa lagolago ma de baubau, gai koe e ahe ange naa ga hagaola dogu mouli, ma de hagaahe age au i de mommee o de gau maakau.

Psalm 56:13

Gai koe gu hagaola mai au i de magau, ma de hai gi dee baguu au, gai au ga seesee ai i mada luu mada o de Maadua i de maalama o de mouli.

De Beebaa go Job 33:28

Ia ne hagaola au mai i de mommee o de gau maakau, au e mouli naa ga gidee de maalama.’

Psalm 107:20

Ia ne tala donu huu de muna, gai gilaadeu gu ieiangi, gai ne hagaola gilaadeu mai i de magau.

Isaiah 38:16

De Ia Aamua, dangada e mouli i mee nei, go mee nei hogi a dogu hagasaalunga e gidee ai de mouli. Koe gu hagaieiangi au ma de dugu mai au gi mouli.