Psalm 30:1 - De Beebaa Dabu

¹ Tagi Maolunga, au e tuhi goe, go hiidinga koe gu hagaola mai au, koe tee dugu ange ogu hagadaumee gi kada i de au.

Psalm 30:1 Referans Kwoze

Psalm 25:2

Dogu Maadua, au e hagadonu goe; koe gi dee hagadogaa ina loo au, aabe gi dugua ange ogu hagadaumee gi tae olaadeu lodo i ogu hiidinga.

Psalm 35:19

Koe gi dee dugua ange ogu hagadaumee gi tae olaadeu lodo i ogu hiidinga; koe gi dee dugua ange gilaadeu e kino i de au i teai hiidinga gi hagadabadaba ina mai olaadeu ganomada gi de au.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Psalm 140:8

Tagi Maolunga, aude dugua ange gi bei lodo o tangada baubau; aude dugua ange gi ssula ana hagatau baubau! Selah

Psalm 13:4

gai gi dee hagadaba ai dogu hagadaumee, “Au gu hagadee kii ia;” gai ogu hagadaumee gu malangilangi i dogu baguu.

2 Samuel 5:11

Gai Hiram, de hodooligi o Tyre, ne hai hanu dangada gi loomai gi daho David, ma hanu laagau cedar, ma hanu labagau o denga laagau ma hadu, gi hagaduulia de hale o David.

Lamentations 2:15

Dangada alodahi e seesee laa oo gaogao e baabaa naa olaadeu lima i de goe; gilaadeu e hagavogivogi ma de geugeu olaadeu biho i hiidinga o tamaa hine o Jerusalem, ga ssili: “Deenei de aduhale e hagaingoo ange laa bolo e mahamaha mmao, gai henua i lalo alodahi e malangilangi ai?”

Psalm 145:1

Au e hagaamua goe, dogu Maadua de Hodooligi; au e hagadegi doo ingoo ga hano ai e dee ngado mai.

Psalm 79:10

Gu aha gu hagataba ai denga huaahenua, “I hee iai delaadeu Maadua?” Haia gi gidee e gimaadeu dau sui ange hegau a denga huaahenua i delaadeu daa oo dangada hai hegau!

Psalm 41:11

Au e iloo bolo koe e malangilangi i de au, gai dogu hagadaumee e dee kii donu i de au.

Psalm 28:9

Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.

Psalm 27:6

Gai au e kii naa i ogu hagadaumee e duuli ina luoogu baasi; au e hai naa ssigidaumaha i dono hale malo i de malangilangi laumalie ma de daahili ga tuhi Tagi Maolunga.

1 Chronicles 21:6

Aagai a Joab tee dau denga daane i de aamuli o Levi ma Benjamin, go hiidinga ia tee buni ange gi muna a de hodooligi.

2 Samuel 24:25

Gai David ne hagaduu dahi mommee o ssigidaumaha ange gi Tagi Maolunga i kilaa, ga hai ai denga sigidaumaha dudu ma sigidaumaha hagadanuaa magavaa. Gai Tagi Maolunga ga hagallongo dana dangidangi i hiidinga o de henua, gai de mee hagamaakau laa gu aau gee mai i Israel.

2 Samuel 7:2

gai David ga hai ange gi de pelaabisi go Nathan, “Tilo, iainei au gu noho i dahi hale e hai i laagau cedar, aagai de ngavesi a de Maadua goi dagodo huu i dahi hale malo.”

2 Samuel 6:20

Gai David ne ahe mai ga hagamanuuia dangada i dono hale. Aagai Michal, tamaa hine a Saul, ne humai ga hedae ange gi de ia, ga hai ange, “Kona loo de mahamaha hegau a de hodooligi ne hai anailaa nei! Ia ne hagaui ono malo i madamada o denga haahine hai hegau o ono dangada hai hegau, bei dagodo o dahi vaivai daane!”

Deuteronomy 20:5

Gai denga dagi gi hai ange hogi gi denga daane hebagi, “Be goai naa huu taane gu lava i de hagaduu dahi hale, gai tigi hai taonga o de hale laa, gai ia gi ahe gi hano gi dono hale, kana magau naa ia i de hebagi, gai dahi daane gee ga hai taonga o de hale laa.

Psalm 79:4

Gai gimaadeu gu ni mee e hakadanga ai dangada e paa mai gi gimaadeu, gai gu hagangadi mee i daho dangada i omaadeu gaogao.

Psalm 66:17

Au ne dangi ange ia gi balea mai au, au e hagaamua ia i dagu tuhi.

2 Samuel 20:3

De masavaa huu o David ne ahe mai ai gi dono hale i Jerusalem, gai ia ga kave ono bodu laa daha e dinoangahulu aana ne dugu laa gi diiloo ange de hale, ga dugu gilaadeu i dahi hale gee. Ia ne gaavange olaadeu mee e hagadanuaa ai, aagai ia tee ahe ange e hagahebaa ma gilaadeu. Gai gilaadeu ne nnoho donu huu i kilaa ga dae ai gi delaadeu maakau, gilaadeu gu bei denga haahine gu maakau olaadeu bodu.

1 Kings 8:63

Gai Solomon ne daa e 22,000 kaau ma e 120,000 ssiibi ma guudi, ga hai ai ssigidaumaha hagadanuaa magavaa ange gi Tagi Maolunga. Deenei de hai a de hodooligi ma de gau Israel alodahi ne hagadabu ai de hale o Tagi Maolunga.