Psalm 27:10 - De Beebaa Dabu

¹⁰ Gai ga dilia naa donu au i luoogu maadua donu, aagai Tagi Maolunga ga abodonu mai gi de au.

Psalm 27:10 Referans Kwoze

Isaiah 49:15

E aha, e maua e dahi dinana gi ngalo dana dama ne haau, aabe gi dee lodo aloha ange gi dana dama ne haanau? Gai ga ngalo naa donu e ia dana dama, aagai au e dee ngalo donu goe!

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

John 16:32

E dae mai naa de aoaa, gai gu dae mai donu, de masavaa laa gai goodou e mavaevae saele naa, dahi ma dahi e ahe naa gi dono hale gai ga tili au. Gai au e dee daudahi donu, go hiidinga Tamana e noho madali au.

Matthew 10:36

Gai hagadaumee o tangada go dangada donu i dono huaabodu.

2 Timothy 4:16

Tahi hanonga ne hagamodu ai ogu muna, gai teai donu se dangada ne balea mai au, gai dangada alodahi ne tili au. Gai de baubau nei gi dee dau ange donu gi gilaadeu!

Psalm 69:8

Au gu bei tangada henua gee i daho ogu daina, gai se dangada henua gee i daho dama a dogu dinana.

John 9:35

Gai Iesu ne langona bolo de gau Ssuu gu alualu taane laa gi hano gee mai i synagogue, gai ga hegide ange huu gilaau, gai Iesu ga ssili ange gi de ia, “Koe e hagadonusia Tama a Tangada?”

2 Samuel 16:11

Gai David ga hai ange gi Abishai ma denga dagi alodahi, “Tilo, dagu dama donu gu ssala dana hai e daa ai au gi magau. Gai taane de aamuli o Benjamin nei e kii ange naa donu dono lodo e daa au gi magau. Dugua donu huu ia gi daalaa ana muna hagamalaia, i hiidinga go Tagi Maolunga ne hagaagona ia.