Psalm 26:7 - De Beebaa Dabu

⁷ au e hai gi laumalie dogu leo e tala tuhi ai goe, ma de tala dagodo o au hegau hagalele mouli alodahi.

Psalm 26:7 Referans Kwoze

Psalm 9:1

Tagi Maolunga, au e tuhi goe i ogu lodo alodahi, ma de tala dagodo o au hegau hagalele mouli.

Psalm 145:5

Gilaadeu e pasa naa i dagodo o doo mahamaha mmao ma doo maolunga, gai au e hagamaumau naa dagodo o au hegau hagalele mouli.

Psalm 134:2

Haalo ina oodou lima i de mommee dabu, ga hagadegi ai Tagi Maolunga.

Psalm 119:27

Haia gi donu ange au gi au muna gu hagasauaa, gai au ga hagamaumau ai dagodo o au hegau hagalele mouli.

Psalm 118:27

Iahweh go de Maadua, gai ia ne hai dono maalama gi hagamaalama ina gimaadeu. Noodia ange de manu o ssigidaumaha i daula gi denga hanga o de mommee o ssigidaumaha.

Psalm 118:19

Huugea mai gi de au denga haitoga o de heohi, gai au ga ulu ai e hagadegi Tagi Maolunga.

Psalm 105:2

Daahili ange gi de ia i taahili tuhi, daalaa dagodo o ana hegau hagalele mouli alodahi.

Psalm 95:2

Gidaadeu ga hulo gi ono mada i mua e hagaahe ange ai de abodonu, ma de hagaamua ia i taahili tuhi.

Psalm 72:18

Hagadegi ina Tagi Maolunga de Maadua, de Maadua o Israel, go ia donu huu e haia hegau hagalele mouli.

Psalm 9:14

gai au ga tala tuhi ai goe i denga haitoga o tamaa hine o Zion, ma de malangilangi i kilaa i dau hagaola mai au.

1 Samuel 1:27

Au ne dangidangi ange gi Tagi Maolunga i tama daane nei, gai Tagi Maolunga gu gaamai gi bei dagu dangidangi.

1 Samuel 1:24

Gai de masavaa huu o dana dama gu dee unuunu ai, gai ia ga kave dana dama madali ia gi de hale o Tagi Maolunga i Shiloh ma dahi kaau daane gu dolu ono ngadau, ma dahi ephah pelaoaa lligi, aama dahi manu uvaini. Gai tama laa goi gauligi donu huu.

1 Chronicles 16:24

Daalaa dagodo o dono mahamaha i magavaa o denga huaahenua, ma ana hegau hagalele mouli ange gi dangada alodahi.

Psalm 9:2

Au e malangilangi ma de tuhi goe; de Ia Maolunga Mmao laa, au e daahili tuhi doo ingoo.